Jemi në kërkim të një Zyrtar/e Ligjor/e për t’iu bashkuar ekipit tonë të Njësisë Ligjore, ne Departamentin për Çështje Ligjore dhe të Rregullatorit.
Në këtë rol, do të ofroni mbështetje dhe këshillim ligjor për operacionet e kompanisë, me fokus në pajtueshmërinë me legjislacionin në fuqi dhe në adresimin e çështjeve ligjore që ndërlidhen me aktivitetin e IPKO-së.
Nëse jeni person analitik/e, njohuri të avancuara ligjore, vëmendje ndaj detajeve dhe aftësi të mira komunikuese, kjo mund të jetë mundësia e duhur për ju.
Çfarë do të bëni?
- Ofron mbështetje dhe udhëzime ligjore për të gjitha njësitë organizative në kuadër të IPKO-së.
- Përpilon akte të brendshme normative, marrëveshje komerciale, si dhe shkresa ligjore drejtuar institucioneve përkatëse dhe palëve të treta.
- Ofron hulumtime, analiza dhe opinione ligjore në mbështetje të vendimmarrjes dhe operacioneve të IPKO-së, dhe menaxhon procesin e legalizimit të infrastrukturës mobile.
- Mbështet menaxhimin dhe trajtimin e kontesteve gjyqësore, në koordinim me palët dhe përfaqësuesit ligjorë përkatës.
- Trajton kërkesat e pranuara nga institucionet kompetente dhe koordinon përmbushjen e tyre, në përputhje me kërkesat dhe afatet ligjore.
- Përpilon raporte periodike, si dhe kujdeset për komunikimin dhe raportimin në Telekom Slovenije, si shoqëria aksionare.
- Monitoron zhvillimet në legjislacionin dhe kuadrin rregullator relevant dhe informon njësitë përkatëse për ndryshimet me ndikim në operacionet e tyre.
Çfarë kërkojmë?
- Diplomë universitare Bachelor në Drejtësi.
- Njohuri të shkëlqyera të gjuhës angleze, në të shkruar dhe në të folur.
- Njohuri të legjislacionit relevant të zbatueshëm në Kosovë.
- Aftësi të shkëlqyera në përdorimin e pakos Microsoft Office.
- Minimum 2 vite përvojë pune në trajtimin e çështjeve ligjore.
Çfarë ofrojmë?
- Programe trajnimi dhe zhvillimi profesional
- Program për mirëqenien e punonjësve
- Sigurim shëndetësor
- Internet, DTV dhe shërbime telefonike IPKO pa pagesë
Aplikoni tani dhe bëhuni pjesë e IPKO-së!
IPKO është e përkushtuar të ofrojë mundësi të barabarta punësimi dhe mirëpret aplikimet nga të gjithë kandidatët e kualifikuar.
Afati i fundit për aplikim: 7 shtator 2026
