• Punët
• Rreth nesh
• Për punëdhënësit

Konkurs

Universiteti i Prishtinës shpall konkurs për plotësimin e një vendi të lirë pune për pozitën Zyrtar teknik për sisteme elektrike të objektit.

Të dhënat për pozitën

• Institucioni: Universiteti i Prishtinës
• Njësia organizative: Fakulteti i Shkencave Matematikore Natyrore
• Pozita: Zyrtar teknik për sisteme elektrike të objektit
• Kategoria funksionale: Profesional 2
• Klasa: I15
• Numri i pozitave: Një (1)
• Kohëzgjatja: Me afat të pacaktuar

Detyrat dhe përgjegjësitë

1. Kryen mirëmbajtje parandaluese dhe korrigjuese të sistemeve elektrike në hapësirat dhe objektet e FSHMN-së, si edhe, kur kërkohet dhe lejohet, në objekte të tjera të UP-së.
2. Mbikëqyr dhe garanton funksionimin e rregullt të instalimeve elektrike të tensionit të ulët dhe të mesëm.
3. Realizon instalimin, servisin dhe riparimin e pajisjeve, përbërësve dhe instalimeve elektrike, brenda fushës së kompetencës profesionale dhe autorizimeve përkatëse.
4. Kontrollon dhe mirëmban panelet elektrike, kanalet dhe nyjet e shpërndarjes, sistemet UPS, gjeneratorët dhe pajisje të tjera për furnizim me energji elektrike.
5. Zbaton inspektime, matje dhe diagnostikim të problemeve elektrike duke përdorur pajisje adekuate për testim dhe matje.
6. Kryen kontrollin dhe mirëmbajtjen e dhomave të transformatorëve në përputhje me procedurat e brendshme, rregullat teknike dhe autorizimet përkatëse.
7. Mirëmban dhe monitoron rrjetet e komunikimit, alarmet, sistemet e sigurisë dhe sistemet e rrymave të dobëta.
8. Zbulon dhe largon defektet në instalimet elektrike dhe në pajisjet përcjellëse, duke raportuar me kohë rastet që kërkojnë ndërhyrje të specializuar.
9. Sipas nevojës, bën riparime dhe mirëmbajtje të thjeshta të elementeve ndërtimore dhe inventarit të objektit, përfshirë muret, dyert, dritaret dhe mobiliet.
10. Lexon dhe përdor skema elektrike, vizatime të infrastrukturës elektrike, manuale teknike dhe udhëzime të prodhuesve.
11. Bashkëpunon dhe, sipas autorizimit, mbikëqyr operatorë ekonomikë, kompani të specializuara dhe kontraktorë të jashtëm gjatë punimeve në sistemet elektrike.
12. Monitoron konsumin, matjet dhe funksionimin e sistemeve elektrike dhe mban evidencë për kontrollet, defektet, ndërhyrjet, servisimet dhe materialet e përdorura.
13. Siguron zbatimin e standardeve të sigurisë elektrike dhe të mbrojtjes në punë, si dhe vepron në raste emergjente që ndërlidhen me sistemet elektrike.
14. Kryen edhe detyra të tjera që lidhen drejtpërdrejt me mirëmbajtjen elektrike të objektit, sipas kërkesës së sekretarit të fakultetit si mbikëqyrës i drejtpërdrejtë dhe në pajtim me kualifikimin e pozitës.

Kualifikimet dhe shkathtësitë e kërkuara

Kandidati duhet t’i përmbushë kushtet në vijim:

1. Të ketë diplomë të arsimit të mesëm profesional në elektroteknikë, energjetikë, instalime elektrike ose në fushë të ngjashme; diploma universitare në fushë përkatëse llogaritet përparësi.
2. Të posedojë së paku dy (2) vite përvojë pune profesionale. Për kandidatët me studime universitare të përfunduara, përvoja e punës nuk kërkohet.
3. Të ketë njohuri për instalimet elektrike të tensionit të ulët dhe të mesëm, sistemet UPS, gjeneratorët, panelet elektrike dhe sistemet e rrymave të dobëta.
4. Të ketë aftësi për leximin dhe kuptimin e skemave elektrike, vizatimeve të infrastrukturës elektrike dhe dokumentacionit teknik.
5. Të dijë të përdorë pajisje për testim, matje dhe diagnostikim elektrik.
6. Certifikatat, licencat ose autorizimet për punë ose qasje në dhoma të transformatorëve, si dhe për kontroll dhe mirëmbajtje të planifikuar, vlerësohen si përparësi.
7. Të ketë njohuri bazike të gjuhës angleze.
8. Të zotërojë shkathtësi bazike kompjuterike në programe si Word dhe Excel.
9. Të ketë aftësi të mira komunikimi me gojë dhe me shkrim, aftësi për punë ekipore, nivel të lartë përgjegjësie, përpikëri dhe respektim të afateve.

Kriteret e përgjithshme për pranimin në detyrë sipas nenit 9 të LZP-së

1. Të jetë shtetas i Republikës së Kosovës.
2. Të ketë zotësi të plotë veprimi.
3. Të njohë së paku njërën nga gjuhët zyrtare, në përputhje me Ligjin për Gjuhët.
4. Të jetë i aftë për kryerjen e detyrave përkatëse.
5. Të mos jetë i dënuar për vepër penale me dashje.
6. Të mos ketë në fuqi masë disiplinore për shkelje të rënda në institucion publik.
7. Të ketë arsimin, përvojën profesionale dhe aftësitë që kërkohen për pozitën.
8. Të kalojë me sukses procedurën e pranimit.

Dokumentet e nevojshme për aplikim

Kandidati duhet të dorëzojë:

1. Formularin e aplikimit.
2. CV-në.
3. Kopjen e dokumentit të identifikimit.
4. Kopjen e diplomës ose diplomave të kërkuara me konkurs dhe nostrifikimin, nëse diploma është fituar jashtë vendit.
5. Dëshmi për përvojën profesionale dhe/ose menaxheriale, sipas kërkesave të përcaktuara te “Kualifikimet dhe shkathtësitë e kërkuara”.
6. Licencën ose certifikimin profesional, kur kjo kërkohet te “Kualifikimet dhe shkathtësitë e kërkuara”.
7. Dëshmi të tjera, kur kërkohen shprehimisht me konkurs.

Përvoja profesionale dhe/ose menaxheriale dëshmohet me dokument ku përcaktohen pozita dhe periudha e angazhimit, i shoqëruar me pasqyrën e kontributeve pensionale ose dëshmi tatimore. Përvoja e fituar jashtë marrëdhënies së punës vlerësohet sipas legjislacionit në fuqi.

Procedura e përzgjedhjes

Procesi i përzgjedhjes zhvillohet në këto faza:

1. Verifikimi paraprak i aplikacioneve.
2. Testimi me shkrim.
3. Intervista me gojë.

Kandidati fitues konsiderohet ai që renditet i pari, me kusht që të ketë arritur së paku 70% të pikëve të përgjithshme.

Verifikimi para punësimit

Para përfundimit të procedurës së punësimit, kandidati i përzgjedhur duhet të paraqesë dokumentet origjinale ose të noterizuara për arsimin dhe licencën ose certifikimin, kur aplikohet, si dhe dëshmitë e nevojshme për verifikimin e kushteve ligjore të punësimit, përfshirë dëshminë disiplinore dhe certifikatën mjekësore.

Afati i aplikimit

Afati për aplikim është tridhjetë (30) ditë nga dita e hapjes së konkursit.

• Data e hapjes: 22.08.2026
• Data e mbylljes: 20.09.2026, ora 16:00