Konkurs për pranim
Aplikimi është i hapur për të gjithë kandidatët e interesuar.
- Lloji i pozitës: Nëpunës i shërbimit publik
- Koeficienti/Paga: Profesional 2, 6.05
- Numri i kërkuar: një (1)
- Data e njoftimit: 11.08.2026
- Afati për aplikim: 12.08.2026 – 10.09.2026
- Institucioni: Komuna e Prizrenit
- Njësia: Drejtoria e Shëndetësisë
- Vendi i punës: QKMF
- Kohëzgjatja e emërimit: afat të pacaktuar
- Nr. i protokollit: 01-111/01-99199
1. Përshkrimi i përgjithshëm i punës
- E organizon dhe e menaxhon procesin e pranimit, ruajtjes, daljes dhe shpërndarjes së mallrave dhe materialeve nga depoja.
- E verifikon gjendjen fizike, cilësinë dhe sasinë e mallrave dhe materialeve të pranuara.
- Bashkëpunon me menaxhmentin dhe njësitë përkatëse për planifikimin e nevojave për materiale, pajisje dhe mjete pune.
- Mbikëqyr ruajtjen, sistemimin dhe administrimin e materialeve dhe pajisjeve në depo.
- Kujdeset që njësitë e institucionit të furnizohen me kohë me materialet dhe pajisjet e nevojshme për funksionimin normal të shërbimeve.
- Mbikëqyr dhe bashkërendon shpërndarjen e drejtë dhe të barabartë të materialeve për të gjitha njësitë e QKMF-së.
- Evidenton skadencat e materialeve, si edhe dëmtimet apo defektet në pajisje, dhe për këto raporton rregullisht te mbikëqyrësi.
- Kryen edhe detyra të tjera në përputhje me ligjet, rregulloret dhe kërkesat e arsyeshme të mbikëqyrësit.
2. Kërkesat e përgjithshme për pranim
a. Kandidati duhet të jetë shtetas i Republikës së Kosovës.
b. Duhet të ketë zotësi të plotë veprimi, sipas legjislacionit në fuqi.
c. Duhet të zotërojë njërën nga gjuhët zyrtare, në pajtim me Ligjin për Gjuhët.
d. Duhet të jetë i aftë për ta kryer detyrën përkatëse.
e. Nuk duhet të jetë i dënuar për kryerje të veprës penale me dashje.
f. Nuk duhet të ketë në fuqi masë disiplinore për shkelje të rënda në institucion publik.
g. Duhet të ketë arsimin, përvojën profesionale dhe/ose aftësitë që kërkohen për pozitën, kategorinë, klasën ose grupin përkatës.
h. Duhet t’i kalojë me sukses procedurat e pranimit të përcaktuara në Ligjin Nr. 08/L-197 për Zyrtarët Publik.
3. Kërkesat e përgjithshme formale
- Arsimi i kërkuar: Ekonomi (pavarësisht nga specializimi)
- Përvojë pune profesionale: Së paku 1 (një) vit përvojë pune në fushën për të cilën zhvillohet procedura për plotësimin e pozitës së lirë të punës
4. Njohuritë, aftësitë dhe cilësitë e kërkuara në procedurën e rekrutimit
- Njohuri të plota dhe të specializuara në fushën profesionale përkatëse.
- Nivel i lartë i njohurive profesionale ose teknike në fushën përkatëse dhe kuptim i fushave që lidhen me detyrat dhe përgjegjësitë.
- Njohuri të mira për metodat kërkimore që ndihmojnë në përgatitjen e raporteve bazike ose analitike dhe në vendimmarrje.
- Aftësi të arsyetimit logjik dhe të analizës.
- Aftësi për të dhënë gjykime profesionale të pavarura dhe për të ushtruar diskrecion në çështje të caktuara, si dhe për të dhënë kontribut me rëndësi në zhvillimin dhe zbatimin e politikave.
- Shkathtësi hulumtuese, analitike, vlerësuese dhe në formulimin e rekomandimeve dhe këshillave profesionale.
- Aftësi komunikuese dhe ndikim personal, përfshirë edhe aftësinë për përfaqësim.
- Njohja e gjuhëve të huaja është e preferueshme.
Dokumentet e kërkuara
- Kopje e letërnjoftimit, pasaportës ose certifikatës së shtetësisë së Republikës së Kosovës.
- Kopje e diplomës së kërkuar sipas konkursit, e lëshuar nga institucionet arsimore të Republikës së Kosovës. Nëse diploma është fituar jashtë vendit, duhet të dorëzohet vërtetimi për nostrifikimin e saj ose dokumenti që dëshmon se diploma është në procedurë të nostrifikimit, me kusht që nostrifikimi të dorëzohet deri në momentin e nënshkrimit të aktit të emërimit në pozitë.
- Kopje e dëshmisë së punësimit, si vërtetim ose kontratë, e lëshuar nga institucioni përkatës, ku përcaktohen pozita e punës dhe kohëzgjatja e angazhimit në atë pozitë. Përvoja e punës jashtë institucioneve publike duhet të mbështetet së paku me një dëshmi shtesë, si pasqyra e pagesave në fondin e kursimeve pensionale ose pasqyra e pagesave të obligimeve tatimore në përputhje me legjislacionin tatimor për të ardhurat personale.
- Përvoja e fituar në një shtet tjetër duhet të dëshmohet përmes dokumenteve të përkthyera për përvojën e punës, të lëshuara nga organi kompetent i atij shteti, ose përmes dëshmive të përkthyera dhe të noterizuara të lëshuara nga punëdhënësi përkatës.
- Dëshmi për trajnimet profesionale të ndjekura ose për trajnimet që aplikuesi i ka realizuar në cilësinë e trajnerit.
- Kopje të dokumenteve të tjera që vërtetojnë përmbushjen e kushteve për aplikim të përcaktuara në shpalljen e rekrutimit dhe të deklaruara në aplikacion.
7. Dëshmitë që nuk kërkohen gjatë aplikimit, por në fazën e verifikimit para emërimit
- Certifikatë origjinale nga gjykata që dëshmon se kandidati nuk është i dënuar për vepër penale me dashje, jo më e vjetër se (6) muaj nga data e lëshimit.
- Dëshmi se kandidati është i aftë nga pikëpamja shëndetësore.
- Dëshmi përkatëse që kandidati ka zotësi të plotë për të vepruar.
- Diplomë e kualifikimit arsimor e noterizuar.
- Dëshmi që kandidati nuk ka në fuqi masë disiplinore për shkelje të rënda në institucion publik, për kandidatët që janë ose kanë qenë të punësuar në institucione publike.
8. Mënyra e vlerësimit të kandidatëve/aplikantëve
a. Testim me shkrim (deri në 70 pikë)
b. Intervistë (deri në 30 pikë)
