NLB Banka sh. a., me seli në Prishtinë, shpall:

KONKURS

për zgjedhjen e kandidatëve për vendet e punës:

Zyrtar i Lartë për Kontabilitet dhe Tatime (një vend pune)

KUALIFIKIMET DHE AFTËSITË E KËRKUARA

• Diplomë universitare në fushën e Ekonomisë, Financës, Kontabilitetit, Administrimit të Biznesit ose fushë të ngjashme;
• Kualifikim profesional si Kontabilist i Certifikuar (SCAAK, IKAF, ACCA apo certifikime të ngjashme);
• Së paku 3 vite përvojë në banka ose institucione të tjera financiare;
• Njohuri të mirë të financave dhe kontabilitetit;
• Aftësi të shkëlqyeshme komunikuese dhe bashkëpunimi në ekip;
• Njohuri të avancuara të Microsoft Office;
• Njohuri të mira të gjuhës angleze

PËRSHKRIMI I DETYRAVE TË VENDIT TË PUNËS

• Kryen detyra komplekse kontabile dhe tatimore që mbulojnë fusha të ndryshme të veprimtarisë së Bankës.
• Përgatit, analizon dhe verifikon në mënyrë të pavarur pasqyrat financiare dhe tatimore, si dhe raportet dhe evidencat përkatëse.
• Harton dhe zhvillon në mënyrë të pavarur politika, procedura dhe udhëzime kontabile e tatimore.
• Zbaton kontrolle dytësore kontabile në përputhje me aktet e brendshme dhe procedurat e Bankës.
• Ofron këshilla profesionale lidhur me zbatimin e politikave kontabile dhe tatimore, si dhe trajtimin kontabël dhe tatimor të transaksioneve dhe ngjarjeve biznesore.
• Përgatit, analizon dhe kontrollon deklaratat, llogaritjet dhe raportet tatimore.
• Kryen dhe monitoron kontrollet primare dhe dytësore tatimore, duke siguruar pajtueshmëri me legjislacionin në fuqi.
• Bashkëpunon me auditorë të jashtëm, institucione shtetërore, autoritete rregullative dhe palë të tjera relevante.