Migros Group SH.P.K. vepron si një kompani udhëheqëse në distribuimin e brendeve të njohura ndërkombëtare. Partneritetet me brendet që përfaqëson e kanë dëshmuar praninë e suksesshme të saj në tregun kosovar dhe më gjerë. Si rezultat i zgjerimit të biznesit, kompania po forcon ekipin komercial dhe synon të angazhojë persona energjikë, ambiciozë dhe me ide inovative.

Migros Group ka hapur konkurs për pozitën:

UDHËHEQËS EKIPI (Prishtinë)

Detyrat kryesore

• Harton planin vjetor të shitjeve dhe ndjek vazhdimisht zbatimin e tij.
• Mirëmban dhe administron raportet me partnerët e jashtëm.
• Përcakton objektiva të qarta për ekipin dhe bën vlerësimin e tyre në baza mujore, tremujore dhe vjetore.
• Drejton ekipin e shitjes, duke përfshirë trajnimin, mbikëqyrjen dhe motivimin për rritje të performancës.
• Vlerëson tregun dhe konkurrencën për të identifikuar trende dhe për të zhvilluar strategji të reja të shitjes.
• Mbikëqyr në vazhdimësi të gjitha proceset e shitjes brenda kompanisë.
• Ndërton dhe zhvillon marrëdhënie afatgjata me klientët.
• Negocion planet mujore, tremujore dhe vjetore të biznesit për rrjetin ose klientët e përcaktuar.

Kushtet e përgjithshme

• Së paku një (1) vit përvojë pune në pozitë udhëheqëse.
• Njohuri të avancuara kompjuterike dhe gatishmëri për t’u trajnuar në programet që përdoren në kompani, si MS Word, Excel etj.
• Njohja e gjuhës Angleze është e domosdoshme, ndërsa njohja e gjuhëve të tjera konsiderohet përparësi.
• Shkathtësi shumë të mira në komunikim dhe bashkëpunim.
• Aftësi për të punuar si në mënyrë të pavarur, ashtu edhe në ekip.

Dokumentet e kërkuara

• CV.
• Dokumentet e tjera përcjellëse.