Përshkrimi

Vatan.al po kërkon një Social Media Manager & Coordinator që të merret me praninë digjitale të markës, zhvillimin e përmbajtjes dhe bashkërendimin e komunikimit të Vatan.

Kjo pozitë u përshtatet personave të mirëorganizuar, me prirje krijuese dhe me njohuri të forta për rrjetet sociale, branding-un dhe komunikimin me audiencën. Roli përfshin organizimin e përmbajtjes, hartimin e teksteve, ndjekjen e fushatave dhe bashkëpunimin me ekipet kreative si edhe me partnerët e kompanisë.

Detyrat

Të administrojë praninë e Vatan në Instagram, Facebook, TikTok dhe në kanale të tjera të rëndësishme.
Të organizojë dhe mbajë të përditësuar kalendarin mujor të përmbajtjes.
Të krijojë ide për postime, reels, stories, fushata, evente dhe aktivizime të ndryshme.
Të përgatisë dhe përzgjedhë tekstet për rrjetet sociale, reklamat dhe materialet promocionale.
Të bashkërendojë punën me designerë, fotografë, videografë, agjenci, influencerë, partnerë horeca dhe ekipin e shitjes.
Të hartojë brief-e të qarta për materiale vizuale, video, fotografi dhe fushata marketingu.
Të garantojë që i gjithë komunikimi të jetë në linjë me identitetin dhe tonin e markës Vatan.
Të ndjekë rezultatet e përmbajtjes dhe të përgatisë sugjerime për përmirësime.

Kualifikimet

Të ketë së paku 2 vite përvojë në Social Media Management, Content Creation, Marketing ose në agjenci marketingu.
Të zotërojë njohuri të mira për platforma si Instagram, Facebook, TikTok dhe LinkedIn.
Të ketë aftësi shumë të mira në të shkruar, copywriting dhe formulimin e mesazheve.
Të ketë përvojë në krijimin dhe administrimin e kalendarit të përmbajtjes.
Të ketë përvojë në koordinim me designerë, fotografë, videografë ose agjenci kreative.
Të kuptojë mirë branding-un, komunikimin vizual dhe menaxhimin e identitetit të markës.
Të shfaqë aftësi organizative, përgjegjësi dhe vëmendje ndaj hollësive.
Të jetë në gjendje të punojë sipas afateve dhe objektivave të përcaktuara.
Të ketë përvojë me marka birre, pije, horeca, evente ose produkte konsumi.
Të ketë njohuri në Meta Business Suite, TikTok Business, Google Drive, Notion ose Trello.
Të ketë përvojë në influencer marketing, paid social ose koordinim eventesh.
Të njohë mirë kulturën lokale dhe mënyrën e komunikimit me konsumatorin shqiptar.

Dokumentet e kërkuara

CV e përditësuar.
Shembuj pune në social media, content creation, copywriting ose fushata marketingu.