Prishtinë, 26/08/2026

Kompania “Marketing & Distribution” sh.p.k., me seli në Rr. Epirit nr. 75, Prishtinë, renditet ndër distributorët kryesorë të shumë markave në territorin e Kosovës. Për shkak të zgjerimit dhe avancimit të veprimtarisë, kompania ka hapur konkurs për pozitën Shofer transportues – furgon/kamion.

Përshkrimi i punës:

Personi i angazhuar në këtë rol do të jetë përgjegjës për dërgimin e mallrave nga depoja qendrore e kompanisë në Prishtinë te klientët e saj, përkatësisht marketet në mbarë Kosovën. Kjo pozitë përfshin zbatimin e procedurave të kompanisë lidhur me furnizimin dhe dorëzimin e mallrave, kujdesin për mirëmbajtjen e automjetit, si dhe përmbushjen e detyrave të tjera të përditshme sipas udhëzimeve të menaxherit të sektorit. Vendi i punës është i bazuar në Prishtinë.

Kualifikimet e kërkuara:

• Të ketë të përfunduar arsimin e mesëm.
• Të posedojë patentë shoferi të kategorisë C ose C1.
• Të ketë aftësi për menaxhimin e kohës, si dhe të tregojë përgjegjësi dhe përkushtim në punë.
• Të jetë i aftë për punë në ekip.
• Të jetë fleksibil në orarin e përcaktuar.

Dokumentet e kërkuara:

• CV.
• Diploma e shkollës së mesme.
• Çdo dokument tjetër që kandidati e konsideron të rëndësishëm për aplikim.

Vetëm kandidatët që hyjnë në përzgjedhje të ngushtë do të ftohen për intervistë.