Përshkrimi
Agikons sh.p.k. është një kompani ndërtimi me 30 vite përvojë në treg, e njohur edhe në nivel ndërkombëtar për standardin e lartë në ndërtim. Vlera kryesore e kompanisë mbetet ekipi i saj, ndaj punohet vazhdimisht që stafi të ketë një mjedis pritës dhe të ndihet i çmuar për kontributin, punën dhe përvojën që sjell.
Në Agikons sh.p.k., secilit punonjës i jepet mundësia të avancojë në përgjegjësi dhe të vlerësohet mbi bazën e rezultateve që arrin në punë.
Për kandidatët që kërkojnë një vend pune të qëndrueshëm, me perspektivë zhvillimi profesional dhe me shpërblim më të lartë pas çdo avancimi, kjo kompani paraqet një mundësi të përshtatshme.
Kompania po kërkon një Shërbim Klienti në sektorin e shitjeve.
Detyrat
- Ndihmon në ecurinë e procesit të shitjes së njësive, pa mbajtur përgjegjësi direkte për shitjen e pronës.
- Kryen shitjen e produkteve dhe shërbimeve shtesë.
Përcakton objektiva të qarta për:
- Standardin e shërbimit ndaj klientit.
- Saktësinë e procesit të punës.
- Rezultatet në shitjen e produkteve opsionale.
Mbështet menaxherët e shitjes gjatë:
- Takimeve me klientë të rinj.
- Paraqitjes së projektit dhe alternativave standarde.
- Përgatitjes së dokumentacionit deri në përfundimin e kontratës.
- Organizimit të kalimit të strukturuar të klientit nga Sales Manager te asistenti pas nënshkrimit të kontratës.
Kualifikimet
- Diplomë universitare në Ekonomi, Menaxhim, Inxhinieri, Arkitekturë ose në fusha të afërta.
- Të paktën 3 vite përvojë në ndërtim / real estate.
- Përvojë në after sales, shitje konsulence (upselling / cross-selling) dhe koordinim multi-projekt.
- Njohuri të mira mbi proceset teknike dhe kontraktuale në fushën e ndërtimit.
Aftësi & Kompetenca Kyçe:
- Lidership operacional & komercial.
- Aftësi negociuese për produkte me vlerë të shtuar.
- Qasje të orientuar nga klienti dhe nga arritja e rezultateve.
- Të menduar analitik dhe kujdes ndaj kostove.
- Aftësi shumë të mira për koordinim ndërmjet departamenteve.
