1. Pozita: Serviser për riparim të pajisjeve elektrike, pajisjeve të ftohjes dhe pajisjeve me gaz (plin)

Ndërmarrja Kulinare SHPK, me seli në Graçanicë, merret me furnizimin e sektorit të gastronomisë me pajisje dhe vegla hoteliere. Kompania është në kërkim të një punëtori të motivuar që t’i bashkohet ekipit.

Detyrat dhe përgjegjësitë:

• Të kryejë riparimin, servisimin dhe mirëmbajtjen e pajisjeve elektrike, si shporete, skara, furra, friteza, mikrovala, prerëse të ndryshme dhe pajisje të ngjashme.
• Të merret me riparimin, servisimin dhe mirëmbajtjen e pajisjeve të ftohjes, përfshirë frigoriferë të ndryshëm dhe makina të akullit.
• Të riparojë, servisojë dhe mirëmbajë pajisje me gaz (plin), si shporete, skara dhe friteza.
• Të komunikojë në mënyrë efektive dhe të bashkëpunojë me mbikëqyrësit dhe kolegët.
• Të zbatojë procedurat dhe standardet e ndërmarrjes lidhur me shërbimin ndaj klientëve.

Kualifikimet:

• Të ketë përfunduar shkollimin në fushën teknike ose ndonjë trajnim përkatës.
• Të ketë së paku 3 vite përvojë pune në një pozitë të ngjashme.
• Të posedojë patentë shoferi të kategorisë B.
• Të ketë aftësi të mira komunikimi dhe shërbimi ndaj klientit.
• Të zotërojë aftësi të mira për organizimin dhe planifikimin e punës.
• Të jetë bashkëpunues dhe i gatshëm për punë ekipore.
• Të jetë i motivuar për ofrimin e shërbimeve cilësore.

Ne ofrojmë:

• Një ambient pune dinamik dhe me frymë bashkëpunimi.
• Pagë konkurruese.
• Kompensim për orët shtesë të punës.
• Kontratë pune, orar dhe pushime të rregulluara sipas Ligjit të Punës 03/L-212.

Konkursi mbetet i hapur deri më 21 shtator 2026.