• Punët
• Rreth nesh
• Për punëdhënësit

Departamenti: Human Resources (HR) / Back Office / Retail Recovery / Digital Products – Retail

Vendndodhja: Tirana Bank, Zyrat Qendrore

Lloji i angazhimit: Praktikë Profesionale

Raporton te: Mentori i Programit / Menaxheri i Departamentit

Tirana Bank është banka e parë me kapital tërësisht privat në Shqipëri, e themeluar në vitin 1996 dhe anëtare e Grupit BALFIN. Me një rrjet prej 36 degësh në qytetet kryesore të vendit dhe një prani të gjerë ATM-sh në të gjithë Shqipërinë, Tirana Bank vijon të rritet dhe të zhvillohet, duke ruajtur standarde të larta shërbimi dhe duke qenë ndër pionierët në ofrimin e produkteve dhe shërbimeve inovative bankare.

Në Tirana Bank besojmë se suksesi ndërtohet nga njerëzit tanë. Kultura jonë organizative bazohet në profesionalizëm, bashkëpunim, integritet dhe angazhimin e secilit për të dhënë më të mirën çdo ditë. Ne investojmë vazhdimisht në zhvillimin e talenteve të reja dhe krijimin e mundësive për rritje profesionale brenda organizatës.

Qëllimi i Pozicionit

Praktikanti do të mbështesë aktivitetet e përditshme të departamentit përkatës, duke fituar eksperiencë praktike në sektorin bankar. Përmes mentorimit, pjesëmarrjes në projekte dhe përfshirjes në proceset operacionale, praktikanti do të zhvillojë njohuri profesionale, aftësi teknike dhe kompetenca ndërpersonale të nevojshme për fillimin e një karriere të suksesshme.

Përgjegjësitë Kryesore

• Të mbështesë ekipin në aktivitetet e përditshme operative dhe administrative.
• Të ndihmojë në mbledhjen, organizimin dhe përditësimin e dokumentacionit dhe informacionit të nevojshëm.
• Të marrë pjesë në projekte, iniciativa dhe aktivitete të departamentit.
• Të përgatisë raporte, prezantime dhe analiza bazike sipas nevojave të ekipit.
• Të kryejë kërkime dhe të mbledhë informacion për të mbështetur proceset e punës.
• Të marrë pjesë në takime, trajnime dhe aktivitete zhvillimore të organizuara nga banka.
• Të bashkëpunojë me anëtarët e ekipit dhe departamente të tjera për realizimin e objektivave të përbashkëta.
• Të respektojë procedurat e brendshme, standardet profesionale dhe kërkesat e konfidencialitetit.
• Të kontribuojë me ide dhe sugjerime për përmirësimin e proceseve dhe efikasitetit të punës.

Kualifikimet dhe Kërkesat

• Student Bachelor ose Master në profilet si më poshtë:
  • Ekonomi
  • Financë dhe Bankë
  • Administrim Biznesi
  • Menaxhim Burimesh Njerëzore
  • Teknologji Informacioni
  • Sisteme Informacioni
  • Fusha të tjera të ngjashme
• Njohuri të mira të paketës Microsoft Office.
• Njohuri të mira të gjuhës shqipe dhe angleze.
• Aftësi të mira komunikimi dhe bashkëpunimi.
• Dëshirë për të mësuar dhe zhvilluar aftësi profesionale.
• Aftësi organizative dhe vëmendje ndaj detajeve.

Kompetencat Kryesore

• Bashkëpunim dhe punë në ekip
• Përgjegjshmëri dhe profesionalizëm
• Aftësi analitike
• Iniciativë dhe proaktivitet
• Përshtatshmëri dhe fleksibilitet
• Orientim ndaj rezultateve
• Integritet dhe konfidencialitet
• Aftësi digjitale

Orari i Praktikës

Ditët e Angazhimit: Hënë – Premte

Orari i praktikës do të përcaktohet në dakordësi me menaxherin e departamentit përkatës, në varësi të nevojave të njësisë dhe disponueshmërisë së praktikantit, me një minimum frekuentimi prej 3 orësh në ditë.