• Punët
• Rreth nesh
• Për punëdhënësit

Përshkrimi

PROGEEN sh.p.k. vepron në tregun Shqiptar që nga viti 2013, në sektorin e ndërtimit, si Investitor dhe Kontraktor Kryesor. Kompania mbështetet te profesionalizmi, besueshmëria dhe standardi i lartë i ndërtimit, duke integruar zgjidhje bashkëkohore në secilin projekt. PROGEEN i jep rëndësi të veçantë kapitalit njerëzor të profesionistëve, të cilët i konsideron vendimtarë për suksesin e çdo projekti.

Progeen kërkon një Inxhinier HSE për të kontribuar në krijimin e një ambienti pune të sigurt, në përputhje me standardet më të larta. Pozita është e përshtatshme për kandidatë me përvojë në menaxhimin e rreziqeve, trajnimin e stafit dhe zbatimin e politikave HSE.

Pozicioni: Përgjegjës/Koordinator i sigurisë dhe shëndetit në punë (HSE)
Vendndodhja: Durrës

Detyrat

Përgjegjësitë dhe detyrat kryesore:

• Zbaton dhe mbikëqyr politikat e procedurat e shoqërisë, në pajtim me legjislacionin në fuqi.
• Planifikon dhe zhvillon instruktime periodike për punonjësit e shoqërisë dhe për stafin e nënkontraktorëve.
• Organizon dhe administron dokumentacionin teknik e ligjor që ka të bëjë me sigurinë dhe shëndetin në punë.
• U ofron punonjësve trajnim për njohjen, kuptimin dhe përdorimin e DVR-së në veprimtaritë e përditshme.
• Realizon kontrolle të përditshme në kantier për të evidentuar dhe menaxhuar rreziqet, si edhe për të kontrolluar respektimin e masave të sigurisë.
• Evidenton dhe largon rreziqet e mundshme përmes masave parandaluese e korrigjuese, në përputhje me DVR-në dhe planin e sigurisë.
• Informon dhe trajnon stafin për procedurat e evakuimit në situata emergjente, sipas planit të sigurisë.
• Grumbullon dhe arkivon regjistrat e inspektimeve, trajnimeve, aksidenteve dhe të gjitha veprimtarive që lidhen me sigurinë dhe shëndetin në punë.
• Harton raporte javore të hollësishme për gjendjen e sigurisë në kantier, të cilat u paraqiten drejtuesit/inxhinierëve të kantiereve dhe menaxherit të sigurisë dhe shëndetit në punë.
• Mban komunikim të rregullt me drejtorin e kantierit për zbatimin e masave të sigurisë dhe përmirësimet e nevojshme, si edhe me menaxherin e sigurisë dhe shëndetit në punë.
• Përpilon, përditëson dhe zbaton procedurat e reagimit ndaj situatave të paparashikuara ose aksidenteve, në bashkëpunim me ekipet përgjegjëse.
• Kontrollon që i gjithë stafi të ketë pranuar pajisjet mbrojtëse individuale (PMI), si dhe siguron plotësimin dhe arkivimin e procesverbaleve përkatëse të dorëzimit.

Kualifikimet

Kualifikimet dhe aftësitë kryesore:

• Diplomë në Inxhinieri.
• Mbi 2 vjet eksperiencë pune.
• Vërtetimet përkatëse ose Çertifikata trajnimi shtesë konsiderohen avantazh.
• Njohuri për përdorimin e paketës MS OFFICE.
• Njohje e gjuhës angleze.
• Aftësi për zgjidhjen e problemeve.
• Aftësi të mira komunikimi dhe bashkëpunimi.