Përshkrimi

Menaxheri i Analizës, Raportimit dhe Kontrollit të Performancës koordinon mbledhjen, verifikimin, analizën dhe raportimin e të dhënave të kompanisë. Roli udhëheq Koordinatorët e Shitjeve, mbikëqyr rezultatet e ekipeve dhe proceseve, garanton korrektësinë e raporteve dhe përgatit analiza të strukturuara që ndihmojnë Administratorin dhe drejtuesit në marrjen e vendimeve. Departamenti vepron i ndarë nga Departamenti i Shitjeve, për të siguruar raportim të paanshëm dhe vlerësim objektiv të rezultateve.

Detyrat

• Koordinon grumbullimin, verifikimin, pastrimin dhe analizën e të dhënave nga sistemet e kompanisë, duke përfshirë Web Flex, DVG App, NAVISION, Finance 5, DE-Pos, GPS dhe Excel.
• Garanton që informacioni i përdorur për raporte të jetë i plotë, i saktë, i përditësuar dhe i harmonizuar mes sistemeve e departamenteve.
• Mbikëqyr hartimin e raporteve ditore, javore, mujore dhe periodike për shitjet, stokun, logjistikën, blerjet dhe burimet njerwzore.
• Vlerëson rezultatet sipas zonave, route-it, agjentëve, klientëve, produkteve, markave, kanaleve të shitjes dhe periudhave.
• Ballafaqon rezultatet reale me objektivat, buxhetet dhe periudhat paraprake, duke nxjerrë në pah devijimet, prirjet dhe fushat që kanë nevojë për përmirësim.
• Planifikon, delegon dhe mbikëqyr punët e koordinatorëve në varësi, duke caktuar prioritetet, afatet dhe përgjegjësitë individuale.
• Kontrollon cilësinë dhe saktësinë e raporteve të hartuar nga koordinatorët dhe kërkon përmirësime kur zbulohen gabime apo mospërputhje.
• Vlerëson performancën e route-ve, agjentëve, zonave dhe kanaleve të shitjes përmes planeve, vizitave, porosive, faturave, arkëtimeve dhe të dhënave GPS.
• Monitoron porositë e pambaruara, klientët pa aktivitet, rëniet e shitjeve, çështjet operative dhe veprimet korrigjuese të përcaktuara.
• Zhvillon dhe administron dashboard-e në Excel, Power BI ose platforma të tjera të aprovuara për ndjekjen e treguesve kryesorë të performancës.
• Automatizon raportet dhe procedurat manuale në bashkëpunim të ngushtë me menaxherin e Automatizim dhe Procese.
• Harton kontrolle të automatizuara për të evidentuar dublikatat, mungesat, anomalitë dhe dallimet ndërmjet sistemeve.
• Verifikon raportet, dashboard-et dhe automatizimet para se të përdoren ose publikohen.
• Regjistron burimet e të dhënave, formulat, metodologjinë, logjikën e raporteve dhe versionet përkatëse.
• Punon me drejtuesit e departamenteve për të përcaktuar KPI-të, kërkesat për raportim dhe interpretimin e rezultateve.
• U paraqet drejtuesve rezultatet, devijimet, problematikat dhe propozimet për rritjen e performancës.
• Mbikëqyr zbatimin e vendimeve dhe masave të miratuara në takimet e performancës, si edhe raporton ecurinë e tyre.
• Vlerëson punën e koordinatorëve, përcakton nevojat për trajnim dhe sugjeron masa për përmirësimin e ekipit.