KRKA – Zyra e Përfaqësisë në Prishtinë ka hapur një mundësi punësimi për pozitën Përfaqësues Farmaceutik për Mitrovicë, Vushtrri dhe Podujevë.

Kontributi juaj

Të prezantoni dhe të promovoni produktet e KRKA-së me nivel të lartë profesionalizmi, njohurie dhe aftësie të mirë në marketing.
Të planifikoni, realizoni dhe raportoni vizita individuale, si dhe prezantime në grup për klientët e përcaktuar.
Të paraqisni dhe promovoni produktet e KRKA-së në ngjarje të jashtme, kongrese dhe panaire ku kompania merr pjesë.
Të përdorni në mënyrë të rregullt sistemin e raportimit, si dhe të mirëmbani dhe përditësoni bazën e të dhënave të klientëve.

Kërkesat

Përvojë profesionale në promovimin e barnave në barnatore.
Përparësi kanë kandidatët me prapavijë në farmaci, ekonomi/marketing, kimi, biologji ose infermieri.
Njohje shumë e mirë e gjuhës angleze, si në të folur ashtu edhe në të shkruar.
Aftësi të mira komunikuese, pjekuri në qasje dhe organizim i mirë në punë.
Patentë shoferi e kategorisë B.