Përshkrimi
HR Studio po kërkon një Montues Panelesh Fotovoltaike për t’iu bashkuar ekipit teknik që angazhohet në zbatimin e projekteve për instalimin e sistemeve fotovoltaike.
Detyrat
- Montimi dhe vendosja e strukturave mbështetëse për panelet fotovoltaike.
- Pozicionimi, fiksimi dhe instalimi i paneleve në mënyrë të saktë, sipas projektit teknik.
- Realizimi i punimeve të montimit në çati, tarraca, konstruksione metalike dhe në terren.
- Përdorimi i duhur i veglave dhe pajisjeve që nevojiten gjatë punës së montimit.
- Ndihma në shtrirjen dhe organizimin e kabllove, si edhe të pjesëve të tjera të instalimit.
- Bashkërendimi i punës me inxhinierët, elektricistët dhe udhëheqësin e ekipit gjatë ekzekutimit të projekteve.
- Zbatimi i kërkesave teknike dhe respektimi i afateve të përcaktuara për secilin projekt.
- Verifikimi i qëndrueshmërisë dhe sigurisë së elementeve të instaluara.
- Respektimi me përpikëri i rregullave të sigurisë dhe shëndetit në punë, sidomos gjatë punës në lartësi.
- Mirëmbajtja e veglave dhe pajisjeve të punës dhe përdorimi i tyre me përgjegjësi.
Kualifikimet
- Përvojë e mëparshme në montimin e paneleve fotovoltaike, të konstruksioneve metalike, instalimeve teknike ose në punë të ngjashme.
- Shkathtësi praktike dhe njohuri teknike në përdorimin e veglave të montimit.
- Gatishmëri për të punuar në lartësi dhe në ambiente të hapura.
- Gjendje e mirë fizike dhe aftësi për angazhim në terren.
- Ndjenjë e lartë përgjegjësie, korrektësi dhe respektim i standardeve të sigurisë.
- Aftësi për punë në grup dhe për zbatim të udhëzimeve teknike.
- Gatishmëri për lëvizje në kantieret ku zhvillohen projektet.
- Përvoja në fushën e energjisë fotovoltaike konsiderohet përparësi.
Çfarë ofrohet
- Punësim afatgjatë dhe kushte të favorshme pune.
- Pagë konkurruese, e përcaktuar sipas përvojës dhe aftësive.
- Mundësi për zhvillim profesional në sektorin e energjisë së rinovueshme.
- Angazhim në projekte të ndryshme fotovoltaike dhe mundësi për avancim brenda ekipit teknik.
