Solution D Medical merret me shpërndarjen e produkteve të avancuara mjekësore në Kosovë dhe bashkëpunon me marka ndërkombëtare të njohura, përfshirë Terumo Corporation.

Kompania është në kërkim të një kandidati të motivuar, të komunikueshëm, këmbëngulës dhe me ndjenjë përgjegjësie për rolin Menaxher/e i/e Produkteve Mjekësore.

Kërkohet një person që synon angazhim të qëndrueshëm, di të krijojë raporte profesionale me klientët dhe e konsideron këtë rol si një mundësi për zhvillim afatgjatë në karrierë.

Kjo pozitë përfshin punë në terren, prezantim të produkteve, komunikim me profesionistë të shëndetësisë dhe zhvillim të shitjeve. Përvoja në fushën mjekësore vlerësohet si avantazh, por nuk është e detyrueshme. Inkurajohen të aplikojnë edhe kandidatë që kanë përvojë në sektorë të tjerë të shitjes dhe të marrëdhënieve me klientë.

Detyrat kryesore

• Të prezantojë dhe të promovojë produktet e kompanisë.
• Të realizojë vizita të rregullta dhe komunikim të vazhdueshëm me klientët.
• Të ndërtojë dhe të ruajë marrëdhënie profesionale afatgjata.
• Të identifikojë klientë të rinj dhe mundësi të reja për shitje.
• Të përgatisë ofertat dhe të ndjekë procesin e tyre.
• Të bashkëpunojë me ekipin lidhur me porositë, stokun dhe furnizimin.
• Të organizojë dhe të marrë pjesë në prezantime, trajnime dhe aktivitete profesionale.
• Të përcjellë zhvillimet e tregut, nivelet e çmimeve dhe konkurrencën.
• Të raportojë rregullisht për vizitat, aktivitetet dhe rezultatet e arritura.

Profili i kërkuar

• Aftësi të mira në komunikim dhe prezantim.
• Këmbëngulje dhe aftësi për të ndërtuar besim.
• Qasje profesionale, etike dhe me përgjegjësi ndaj punës.
• Shkathtësi organizative dhe vullnet për të mësuar.
• Përvojë në shitje, marrëdhënie me klientë ose zhvillim biznesi.
• Gatishmëri për angazhim në terren dhe për vizita të rregullta te klientët.
• Patentë shoferi si kusht i domosdoshëm.
• Njohuri të detyrueshme të gjuhës angleze.

Përvoja ose arsimimi në fushën mjekësore, farmaceutike apo teknike konsiderohen përparësi, por nuk janë kërkesë e domosdoshme. Peshë më të madhe kanë cilësitë personale, komunikimi, përgjegjësia, etika profesionale dhe dëshira për të ndërtuar një karrierë afatgjatë.

Çfarë ofrohet

• Angazhim i qëndrueshëm me perspektivë afatgjatë.
• Trajnim dhe mbështetje për njohjen e produkteve.
• Punë me produkte mjekësore dhe marka ndërkombëtare.
• Bashkëpunim të drejtpërdrejtë me klientë dhe profesionistë shëndetësorë.