Përshkrimi i Pozitës: Menaxher/e i/e Dyqanit (NAME IT – Albi Mall)
Në A&M Group, po kërkojmë një Menaxher/e Dyqani për brandin NAME IT në Albi Mall, Prishtinë. Kjo pozitë luan një rol kyç udhëheqës në arritjen e shkëlqesisë operacionale, rritjen e shitjeve dhe krijimin e një përvoje të jashtëzakonshme për klientët tanë.
Si Menaxher/e Dyqani, ju do të udhëhiqni dhe zhvilloni ekipin, do të menaxhoni performancën ditore, do të ruani standardet më të larta të Visual Merchandising dhe do të siguroni zbatimin e plotë të strategjive të kompanisë.
Përgjegjësitë Kryesore
- Udhëheqja dhe Zhvillimi i Ekipit: Rekrutimi, trajnimi, motivimi dhe udhëzimi i stafit; monitorimi i performancës dhe ndërtimi i një kulture pune pozitive, profesionale dhe të orientuar drejt rezultateve.
- Menaxhimi i Shitjeve dhe KPI-ve: Monitorimi i rezultateve ditore dhe mujore të shitjeve, analizimi i treguesve kyç të performancës (KPI) dhe zbatimi i strategjive për realizimin e objektivave të dyqanit.
- Visual Merchandising dhe Prezantimi i Dyqanit: Sigurimi i standardeve të larta të Visual Merchandising, organizimi dhe prezantimi i koleksioneve të veshjeve për fëmijë, si dhe kujdesi që dyqani të jetë gjithmonë i rregullt, tërheqës dhe në përputhje me standardet e brendit.
- Menaxhimi i Operacioneve: Organizimi i përditshëm i punës në dyqan, planifikimi i detyrave për stafin, koordinimi i orareve dhe sigurimi i një funksionimi efikas e të rrjedhshëm.
- Menaxhimi i Inventarit: Sigurimi i saktësisë së stokut, kontrolli i hyrje-daljeve të mallit, organizimi i magazinës dhe zbatimi i të gjitha procedurave të inventarizimit.
- Parandalimi i Humbjeve dhe Pajtueshmëria: Zbatimi i procedurave për parandalimin e humbjeve, minimizimi i dëmtimeve apo mungesave të mallit dhe sigurimi i respektimit strikt të politikave të kompanisë.
- Marrëdhëniet me Klientët: Ofrimi i një niveli të lartë të shërbimit ndaj klientit, trajtimi profesional i kërkesave apo ankesave dhe krijimi i një përvoje pozitive për prindërit dhe fëmijët.
Kualifikimet e Kërkuara
- Përvoja: Së paku 2–3 vjet përvojë të dëshmuar në menaxhim apo mbikëqyrje në sektorin e retail-it (shitjes me pakicë).
- Aftësitë Udhëheqëse dhe Komunikuese: Aftësi të forta në menaxhimin dhe motivimin e ekipit, komunikim të shkëlqyer dhe aftësi për zgjidhjen efikase të situatave sfiduese.
- Aftësitë Komerciale: Kuptim i mirë i KPI-ve të retail-it, objektivave të shitjeve, menaxhimit të inventarit dhe organizimit të hapësirës së dyqanit.
- Aftësitë Teknike: Njohuri të mira në përdorimin e sistemit POS, mjeteve të menaxhimit të stokut dhe paketës Microsoft Office.
- Edukimi: Diploma e shkollës së mesme është e domosdoshme; diploma universitare në Administrim Biznesi, Marketing, Menaxhim apo fusha të ngjashme përbën avantazh.
- Fleksibiliteti: Gatishmëri për të punuar me orar fleksibil, përfshirë fundjavat dhe periudhat me fluks të lartë të shitjeve.
- Orientimi ndaj Klientit: Aftësi për të krijuar një ambient të ngrohtë, mikpritës dhe profesional për klientët, veçanërisht për familjet dhe fëmijët.
Çfarë Ofron Kompania?
- Pagë Konkurruese: Pagë bazë e shoqëruar me bonus performance.
- Benefite për Punonjësit: Zbritje ekskluzive prej 30% për stafin në të gjitha dyqanet e grupit.
- Balancë Punë-Jetë: Orar i strukturuar prej 40 orësh në javë, me 2 ditë pushim gjatë javës.
- Shëndeti dhe Siguria: Sigurim shëndetësor privat.
- Zhvillimi Profesional: Trajnime të vazhdueshme profesionale dhe mundësi të qarta për zhvillim dhe avancim në karrierë.
