Përshkrimi

Mektrin Motors Sh.p.k është koncesionari më i madh në Shqipëri prej 20 vitesh dhe përfaqëson zyrtarisht markat premium Jaguar & Land Rover, Volvo Cars, VolvoTrucks, Renault Trucks dhe Volvo Penta. Kompania po kërkon një Mekanik për automjete të rënda.

Detyrat

• Identifikon problemet dhe kryen riparime në motor, transmision, sistemin e frenimit, sistemin e drejtimit, suspansionin dhe instalimet elektrike.
• Realizon mirëmbajtjet e planifikuara periodike në përputhje me programin e përcaktuar nga prodhuesi.
• Verifikon punën e sistemeve të automjetit duke përdorur pajisje diagnostikimi.
• Ndërron pjesë që konsumohen rregullisht, si filtra, vajra, rripa, disqe, feroda dhe elemente të tjera të ngjashme.
• Kryen testime të automjeteve pas përfundimit të riparimeve për të vërtetuar që ato janë të sigurta dhe plotësisht funksionale.
• Zbaton rregullat e sigurisë gjatë procesit të punës dhe përdor në mënyrë të duhur veglat dhe pajisjet.
• Punon ngushtë me anëtarët e tjerë të ekipit për të garantuar cilësinë e shërbimit.

Kualifikimet

• Të ketë përfunduar shkollë profesionale ose teknike në fushën e mekanikës / automjeteve.
• Të ketë të paktën 2 vite eksperiencë si mekanik i automjeteve të rënda.
• Të zotërojë njohuri të mira për motorët diesel, sistemet elektronike të automjeteve dhe sistemet hidraulike.
• Të ketë njohje të gjuhës Angleze.
• Të dijë të përdorë pajisje moderne diagnostikuese.
• Të jetë i aftë të punojë si në mënyrë të pavarur, ashtu edhe në bashkëpunim me grupin.
• Të tregojë vëmendje të lartë ndaj detajeve dhe korrektësi në respektimin e afateve të punës.