Përshkrimi

Roli i Magazinierit mbulon pranimin dhe daljen e produkteve nga magazina, verifikimin e inventarit sipas dokumenteve përkatëse, si edhe evidentimin dhe ndjekjen e afateve të skadencës, dëmtimeve dhe mospërputhjeve. Kjo pozitë kërkon ruajtje të saktë të stokut dhe zbatim të përpiktë të rregullave e procedurave të magazinës. Njëkohësisht, pozita përfshin mbështetjen e funksionimit të përditshëm të dyqanit përmes menaxhimit të dokumentacionit, stokut, porosive, bashkëpunimit me furnitorë e klientë, si dhe koordinimit të stafit të magazinës. Qëllimi është që proceset tregtare, logjistike dhe financiare të zhvillohen në përputhje me standardet e kompanisë, me efikasitet, siguri dhe fokus te klienti.

Detyrat

• Administron, sistemon dhe arkivon dokumentacionin e magazinës.
• Kryen proceset e arkës dhe të faturimit.
• Menaxhon porositë dhe furnizimet.
• Ndjek skadencat dhe organizon etiketimin.
• Kujdeset për shitjet dhe realizimin e porosive.
• Koordinon stafin dhe operacionet në dyqan.
• Mirëmban bashkëpunimin me furnitorët dhe ndjek pagesat sipas shitjeve.
• Menaxhon stokun dhe ofron shërbim ndaj klientit.
• Bën shpërndarjen e porosive në pika të ndryshme.
• Përgatit raportime periodike.

Kualifikimet

• Të ketë përfunduar Arsimin e Lartë Ekonomik.
• Të ketë 3-5 vite përvojë pune si magazinier në industrinë FMCG, në kompani me rreth 1000 kode produktesh.
• Të përdorë mirë programet financiare.
• Të ketë njohuri të mira në Paketën Microsoft Office.
• Të zotërojë patentë shoferi të vlefshme për automjete transporti, kategoria B dhe C.
• Të ketë aftësi organizative dhe bashkëpunim të mirë në punë ekipore.