Agjencia e Rinisë dhe Mirëqenies Sociale kërkon të punësojë Magazinier në Sektorin e Burimeve Nierëzore & Shërbimeve

Bëhu pjesë e Agjencisë së Rinisë dhe Mirëqenies Sociale në rolin e Magazinierit pranë Sektorit të Burimeve Njerëzore & Shërbimeve. Nëse je i organizuar, i saktë me shifra dhe dokumentacion dhe kërkon një pozitë të qëndrueshme në sektorin publik, ky rol është për ty.

Në përditshmërinë tënde do të administrosh dhe dokumentosh lëvizjen e vlerave materiale, do të hapësh dhe azhornosh kartelat e magazinës dhe do të presësh flete-hyrjet e flete-daljet sipas dokumentacionit përkatës. Do të kujdesesh për ruajtjen dhe sistemimin e vlerave materiale në ngarkim dhe do të rakordosh çdo muaj me specialistin e sektorit të financës.

Është një pozitë ku përpikëria dhe përgjegjshmëria vlerësohen, dhe ku puna jote siguron funksionimin e rregullt të inventarit dhe të gjithë institucionit.

Funksionet:

Administron dhe dokumenton lëvizjen e vlerave materiale dhe harton dokumentacionin përkatës sipas dispozitave ligjore
Hap kartelat e reja çdo fillim viti për çdo material, mbështetur në inventaret fizik dhe kontabël
Pret flete-hyrjet sipas dokumentave të blerjeve dhe i hedh në kartelë
Pret flete-daljet sipas urdhër dorëzimit dhe i hedh veprimet në kartelë
Azhornon kartelat e përgjithshme të magazinës
Për mallrat me përdorim të gjerë, informon vazhdimisht me shkrim përgjegjësin e sektorit mbi gjendjen e tyre, duke parandaluar mungesën
Kryen inventarizimet në fund të vitit
Përgjigjet për ruajtjen, mirëmbajtjen dhe sistemimin e vlerave materiale në ngarkim
Rakordon çdo muaj me specialistin e sektorit të financës
Merr pjesë në komisionet për pritje malli qarkullues dhe në lëvizjet e mallit e dorëzimin e tij
Kujdeset për ruajtjen dhe sistemimin e vlerave materiale në magazinë
Kryen edhe detyra të tjera të ngarkuara nga përgjegjësi i sektorit apo drejtori

Kërkesat e përgjithshme:

Të jetë shtetas shqiptar
Të ketë zotësi të plotë për të vepruar
Të mos jetë i dënuar me vendim të formës së prerë të gjykatës për kryerje krimi
Të mos jetë marrë ndaj tij masa disiplinore apo larguar për shkak të një shkeljeje të rëndë disiplinore

Kërkesa e posaçme:

Minimalisht diplomën e Shkollës së Mesme

Dokumentacioni i kërkuar:

Kërkesë për aplikim (me shkrim dore), CV, fotokopje e kartës së identitetit, çertifikatë e përbërjes familjare, fotokopje e diplomës dhe lista e notave e noterizuar, çertifikata kualifikimi (nëse ka), fotokopje e librezës së punës, motivacioni i largimit nga puna e fundit (nëse është/ka qenë i punësuar), raport mjeko-ligjor, vërtetim i gjendjes gjyqësore, 2 fotografi (një copë 9x6 cm dhe një copë 2.5x3.5 cm).

Konkurimi zhvillohet në dy faza: verifikimi paraprak i kushteve brenda datës 17.04.2026, dhe intervista e strukturuar me gojë më 21.04.2026, ora 09:00. Rezultatet shpallen më 22 Prill 2026. Kandidatët jo fitues kanë të drejtë ankimimi brenda 5 ditëve nga shpallja e rezultateve.