KONKURS
Koordinator i Kredive Jo-Performuese – Periudhë Zëvendësimi
Zyrë Qendrore
PËRGJEGJËSITË:
- Mban përgjegjësi për zbatimin dhe bashkërendimin e strategjisë që lidhet me menaxhimin e kredive jo-performuese.
- Shqyrton, koordinon dhe administron kërkesat për nisjen e procedurës përmbarimore, si edhe miraton fillimin e përmbarimit.
- I propozon Departamentit Ligjor rastet që duhet të kalojnë në procedurë kontestimore dhe ndjek ecurinë e arkëtimit për rastet e fituara ose ato të përmbyllura me barazim gjyqësor, duke ia paraqitur rezultatet mbikëqyrësit çdo tre muaj.
- Udhëheq aktivitetet ligjore të departamentit, duke siguruar angazhim në punë dhe nivel të duhur të performancës.
- Koordinon komitetet që zhvillohen brenda Departamentit të Kredive Jo-Performuese dhe kujdeset për funksionimin e rregullt të Komitetit të Vonesave dhe Komitetit për Kreditë e Shlyera.
- Komunikon në mënyrë efikase me klientët dhe me kolegët e departamenteve të tjera, me synim që të gjithë të kontribuojnë në rikthimin e kredive dhe në menaxhimin e mbledhjeve/kolektimeve.
- Ruajnë marrëdhënie shumë të mira me palët e jashtme.
- Përgatit raportime të vazhdueshme në lidhje me kthimin, mbledhjen dhe performancën e kredive.
- Harton raporte sipas kërkesave të Bordit Menaxhues.
- Kujdeset për zbatimin e plotë të të gjitha rregullave dhe procedurave të brendshme të FINCA Kosovë.
- Kryen edhe detyra të tjera që i caktohen nga menaxheri i linjës.
KUALIFIKIMET:
- Duhet të ketë diplomë universitare në Juridik, Ekonomi, Biznes ose në fusha të tjera të ngjashme relevante.
- Kërkohet së paku 3 vite përvojë pune në menaxhimin e kredive joperformuese (NPL).
- Nevojiten njohuri të avancuara për Ligjin për Procedurën Përmbarimore dhe proceset përkatëse.
- Duhet të ketë aftësi shumë të mira komunikimi në gjuhën shqipe dhe angleze, si në të shkruar ashtu edhe në të folur.
- Kërkohen aftësi të shkëlqyera analitike, organizative dhe për zgjidhjen e problemeve.
- Duhet të ketë njohuri të mira në përdorimin e paketës Microsoft Office.
- Kërkohet patentë shoferi e kategorisë B.
FINCA Kosovë bën pjesë në rrjetin FINCA Impact Finance, i cili përfshin 13 institucione mikrofinanciare dhe banka që ofrojnë shërbime financiare me përgjegjësi sociale dhe u krijojnë mundësi individëve dhe komuniteteve me të ardhura të ulëta të investojnë në të ardhmen e tyre.
