KONKURS PUNE

DSG HOLDING LLC po e zgjerojnë veprimtarinë dhe ekipin e shitjes në fushën e pijeve alkoolike dhe joalkoolike, andaj kanë hapur konkurs për pozitën e Komercialistit në Gjilan, Ferizaj, Kamenicë dhe Elez Han.

Kompania synon të angazhojë kandidatë energjikë, me aftësi të mira komunikimi dhe fokus në arritjen e rezultateve, të cilët janë të gatshëm të rriten profesionalisht dhe të japin kontribut në zhvillimin e mëtejshëm të biznesit.

Përgjegjësitë

• Të mbajnë kontakte dhe vizita të vazhdueshme me klientët.
• Të prezantojnë asortimentin dhe të realizojnë shitjen e produkteve.
• Të kujdesen për zhvillimin e klientëve aktualë dhe për identifikimin e klientëve të rinj.
• Të përmbushin objektivat mujore të përcaktuara për shitje.
• Të sigurojnë paraqitjen dhe praninë e duhur të produkteve në pikat e shitjes.
• Të raportojnë në mënyrë të rregullt për aktivitetet dhe rezultatet e arritura.

Kërkesat

• Të kenë të paktën arsim të mesëm.
• Të posedojnë shkathtësi të mira në komunikim dhe negocim.
• Përvoja në shitje ose distribuim në FMCG, PIJE, vlerësohet si përparësi.
• Të jenë të gatshëm për punë në terren dhe për bashkëpunim në ekip.
• Të kenë patentë shoferi të kategorisë B.

Çfarë ofrojmë

• Skemë stimuluese bonusash në bazë të performancës dhe përmbushjes së objektivave.
• Mundësi për zhvillim profesional dhe avancim në kuadër të kompanisë.
• Trajnime të vazhdueshme dhe përkrahje nga ekipi.
• Mjedis pune profesional dhe me dinamikë.
• Mundësi për të kontribuar në rritjen dhe zgjerimin e kompanisë dhe të brendeve të saj.