• Punët
• Rreth nesh
• Për punëdhënësit

Përshkrimi

Neptun shpk është kompania kryesore në shitjen me pakicë të elektronikës së konsumit dhe pajisjeve elektroshtëpiake, pjesë e Grupit BALFIN. E themeluar në vitin 1993, kompania ka ndërtuar bashkëpunime afatgjata me marka të njohura ndërkombëtare të teknologjisë dhe u ofron klientëve mbi 7,500 produkte si rishitës i autorizuar. Krahas 30 dyqaneve fizike, Neptun ka qenë ndër pionierët e tregtisë elektronike në Shqipëri. Kompania operon gjithashtu në Maqedoninë e Veriut që nga viti 1998 dhe në Kosovë që nga viti 2007.

Grupi BALFIN renditet ndër grupet më të mëdha të investimeve në Ballkanin Perëndimor, duke bashkuar standardet ndërkombëtare me njohurinë vendase. I krijuar në vitin 1993 në Vjenë nga Samir Mane, grupi është sot i pranishëm në 11 shtete: Austri, Shqipëri, Kosovë, Bosnje dhe Hercegovinë, Maqedoninë e Veriut, Mal të Zi, Zvicër, Kroaci, Holandë, SHBA dhe Kanada. BALFIN vepron në fusha të ndryshme si pasuritë e paluajtshme, tregtia me shumicë dhe pakicë, sistemi bankar, menaxhimi i aseteve, turizmi, arsimi dhe logjistika, dhe ka mbi 5000 punonjës. Sipas të dhënave të vitit 2023, asetet totale të Grupit, përfshirë institucionin financiar, arrijnë në 2.2 miliardë euro.

Pozicioni: Këshillues Klienti Neptun Don Bosko

Departmenti: Retail

Vendodhja: Tiranë

Qëllimi i Pozicionit: Roli kryesor i një Këshilluesi Klienti është të ofrojë shërbim të shkëlqyer për klientët dhe të kujdeset për hapësirën që administron.

Detyrat

• Të arrijë planin mujor të shitjeve për sektorin që mbulon.
• Të komunikojë dhe t’u shërbejë klientëve në përputhje me standardet e kompanisë.
• Të sigurojë mirëmbajtjen e sektorit që ka në përgjegjësi.
• Të ndjekë dhe të zbatojë udhëzimet e shitjes në sektorin përkatës.
• Të organizojë vendosjen dhe prezantimin e produkteve në hapësirën që menaxhon.
• Të trajtojë ankesat dhe komentet e klientëve sipas standardeve të përcaktuara nga kompania.
• Të ketë njohuri shumë të mira mbi stokun e produkteve dhe ta monitorojë atë vazhdimisht.
• Të organizojë dhe të propozojë porositë për produktet që i përkasin sektorit të tij/saj.
• Të kryejë inventarët e sektorit dhe të raportojë rezultatet përkatëse.

Kualifikimet

• Të zotërojë diplomë të shkollës së mesme, ndërsa diploma universitare konsiderohet avantazh.
• Të ketë të paktën 2 vjet eksperiencë pune në shitje me pakicë.
• Të ketë njohuri të mira të gjuhës angleze.
• Të jetë energjik dhe të ketë dëshirë për punë që përfshin marrëdhënie me klientin.
• Të sillet me mirësjellje dhe të ketë vetëbesim.
• Të jetë i/e gatshëm/e të punojë nën presion dhe në rrethana sfiduese.
• Të ketë prirje krijuese.

Kushtet e punës përfshijnë një paketë përfitimesh tërheqëse, me pagë të drejtë të përcaktuar mbi bazën e meritës dhe vlerësimit të performancës.