Përshkrimi

ALMO Konstruksion Sh.p.k është një kompani që ushtron aktivitet në sektorin e ndërtimit në Shqipëri dhe vepron në treg që prej vitit 1996.

Për shkak të zgjerimit të stafit teknik, kompania po hap një vend pune për pozicionin Inxhinier/e Ndertimi Kantieri.

Detyrat

Të planifikojë, bashkërendojë dhe monitorojë ecurinë e punimeve të përditshme në kantier.
Të mbikëqyrë realizimin e punëve në përputhje me projektin, preventivin dhe kërkesat teknike.
Të koordinojë angazhimin e punëtorëve, nënkontraktorëve dhe ekipeve të ndryshme që operojnë në kantier.
Të verifikojë vazhdimësinë e punimeve dhe respektimin e standardeve teknike të kërkuara.
Të kontrollojë materialet që përdoren në kantier dhe të konfirmojë sasitë përkatëse.
Të kuptojë dhe të interpretojë projektet, vizatimet teknike dhe detajet e zbatimit.
Të identifikojë dhe të raportojë çështjet teknike që paraqiten gjatë zhvillimit të punimeve.
Të administrojë dhe të përditësojë dokumentacionin, si edhe raportet e punëve të realizuara në kantier.
Të ndjekë afatet e vendosura dhe të ndërmarrë masat e nevojshme që punimet të përfundojnë sipas planit.
Të tregojë aftësi të mira në organizim dhe koordinim.
Të punojë në përputhje me objektivat dhe synimet e kompanisë.
Të mbajë të mbrojtur informacionin dhe dokumentacionin e kompanisë.

Të ketë diplomë nga Fakulteti i Inxhinierisë së Ndërtimit.
Të njohë mirë programin AUTOCAD dhe të ketë njohuri për Paketën Office.
Të jetë i/e aftë të menaxhojë projekte dhe kontrata të ndryshme specifike që lidhen me projekte ndërtimi infrastrukturore dhe civile.
Të zotërojë aftësi për të paraqitur në mënyrë efikase problematikat, si edhe të ketë komunikim shumë të mirë verbal e me shkrim dhe aftësi në përgatitjen e raporteve.
Të ketë aftësi shumë të mira komunikimi, menaxhimi dhe organizimi.
Të ketë njohuri shumë të mira të gjuhës angleze.
Të ketë mbi 3 vjet përvojë pune.