Përshkrimi

I.XH.E.M Parafabrikat ndërton konstruksione parafabrikate prej betoni të armuar dhe ofron një gamë të gjerë produktesh, komponentësh e sistemesh konstruktive që mbulojnë çdo kërkesë për ndërtesa industriale, tregtare, zyra, hapësira magazinimi, infrastrukturë, banesa, kabina elektrike dhe mure rrethuese.

Kompania ka një vend të lirë pune për Inxhinier Projektimi / Strukturist.

Përgjegjësitë

• Përgatitja e projekteve strukturore në përputhje me normat dhe standardet europiane të projektimit.
• Modelimi strukturor i objekteve industriale dhe civile me ndihmën e softuerëve të specializuar.
• Përllogaritja e ngarkesave të përhershme dhe të përkohshme që veprojnë mbi strukturat.
• Realizimi i vizatimeve, raporteve teknike dhe preventivave për projektet ndërtimore.
• Ndjekja dhe mbikëqyrja e ndërtimit të karabinasë, si dhe adresimi i problemeve që lindin në këtë fazë.
• Përgatitja e raporteve mbi ecurinë e fazave të ndërtimit.
• Koordinimi me departamentet e tjera për të siguruar cilësinë e produktit dhe efektivitetin e kostos.

Kërkesat për kualifikim

• Të ketë përfunduar studimet universitare Bachelor/Master në Inxhinieri Ndërtimi.
• Të zotërojë përvojë mbi 2-3 vite në fushën e projektimit strukturor.
• Të ketë njohuri të nivelit të avancuar në AutoCAD, SAP2000 dhe softuerë të tjerë projektimi.
• Të përdorë me zotësi paketën Office.
• Të njohë gjuhën italiane ose angleze.
• Të zotërojë leje drejtimi të kategorisë B.
• Të jetë me banim në Durrës.

Dokumentet e kërkuara

• Curriculum vitae (CV).

Vendndodhja: Vrrine, Sektor Rinia, Durrës.