Përshkrimi

Fashion Group Albania, pjesë e Albi Group që prej Gusht 2025, paraqitet si kompania e parë e shitjes me pakicë në fushën e modës në Shqipëri që solli modelin e menaxhimit Franchisee. Me fokus në vendosjen e një niveli të ri në tregun e modës dhe të shërbimit ndaj klientit, kompania ka ndikuar në transformimin e tregut shqiptar përmes sjelljes së markave të njohura ndërkombëtare dhe alternativave cilësore të produkteve. Ajo është e pranishme në qendrat tregtare kryesore, si Tirana East Gate (TEG) dhe Qendra Tregtare Univers (QTU), ku administron një portofol me 11 marka të njohura, përfshirë Mango, Geox, Parfois, Prenatal, Okaidi, Carpisa, Cortefiel, Springfield, Women Secret, Aldo dhe Tom Tailor. Aktualisht, zhvillon aktivitetin e saj në 17 dyqane fizike dhe edhe në kanalin online të kompanisë.

Albi Group, i krijuar më shumë se 30 vjet më parë nga familja Humolli në Prishtinë, Kosovë, është zhvilluar nga një biznes i vogël familjar në një grup të rëndësishëm në shitjen me pakicë, pasuritë e paluajtshme, shpërndarjen e produkteve FMCG, shërbimet ushqimore dhe mikpritjen. Grupi mbështet përkushtimin ndaj kënaqësisë së klientit, përgjegjësisë sociale dhe qëndrueshmërisë mjedisore, me synimin për të ndërtuar një të ardhme më të mirë për komunitetin.

Detyrat

• Të ndihmojë në hedhjen dhe përpunimin e informacionit financiar në sistem.
• Të verifikojë dhe organizojë faturat, dokumentet dhe evidencat financiare.
• Të mbështesë rakordimin e faturave me dokumentacionin përkatës.
• Të përditësojë tabelat në Excel dhe databazat e departamentit.
• Të asistojë në arkivimin dhe renditjen e dokumentacionit financiar.
• Të kryejë kontrolle bazë për të siguruar saktësinë dhe plotësinë e të dhënave financiare.
• Të bashkëpunojë me ekipin e Financës për detyra të tjera të përditshme, sipas nevojës.

Kualifikimet

• Motivim dhe gatishmëri për të mësuar.
• Ndjenjë përgjegjësie dhe kujdes ndaj detajeve.
• Njohuri të mira në Excel.
• Aftësi të mira organizimi dhe komunikimi.
• Integritet dhe ruajtje e konfidencialitetit.