Vantage Twentysix shërben si studio kreative për një grup kompanish që veprojnë në ushqim, patundshmëri, inxhinieri dhe konsulencë, me prani në Kosovë, Shqipëri dhe Gjermani. Për kompanitë e grupit dhe klientët në mbarë Evropën, studioja krijon brende, uebfaqe, platforma dhe aplikacione.
Graphic Designer
Vendndodhja: Prishtinë · punë hibride · angazhim me orar të plotë · përvojë: 3+ vjet
Angazhimi juaj do të përqendrohet kryesisht te kompanitë e grupit tonë, krahas projekteve për startupe dhe kompani më të mëdha në mbarë Evropën. Në rolin Graphic Designer, do të kujdeseni për paraqitjen vizuale të këtyre brendeve në bilborde, paketime, materiale të shtypura, uebfaqe dhe rrjete sociale.
Detyrat kryesore
Të krijoni identitete brendi, duke përfshirë logot, ngjyrat, tipografinë dhe udhëzuesit e brendit.
Të realizoni fushata për bilborde, reklama të jashtme dhe materiale të shtypura e digjitale.
Të përgatisni reklama digjitale për rrjete sociale, rrjete reklamimi me afishim, uebfaqe dhe platforma video, në të gjitha përmasat e nevojshme për secilin kanal.
Të dizajnoni paketime, etiketa, fletëpalosje dhe materiale të tjera për shtyp.
Të hartoni prezantime dhe prezantime përmbledhëse për kompanitë, klientët dhe investitorët tanë.
Të bashkëpunoni gjatë gjithë ciklit të çdo projekti me Lead Designer-in, zhvilluesit dhe klientët tanë.
Kualifikimet që kërkojmë
Minimumi 3 vjet përvojë në dizajn grafik, në një agjenci, studio ose ekip të brendshëm.
Portofol cilësor; punët e publikuara përbëjnë përparësi, ndërsa pranohen edhe projekte konceptuale dhe personale.
Zotërim shumë i mirë i Photoshop, Illustrator, InDesign dhe Figma.
Përvojë me përgatitjen e skedarëve për shtyp, edhe për formate të mëdha.
Aftësi për ta përshtatur të njëjtin dizajn për bilborde dhe ekrane telefoni.
Aftësi për të punuar në mënyrë të pavarur, për të prezantuar punën dhe për të pranuar komente.
Njohje e shqipes dhe anglishtes; njohja e gjermanishtes përbën përparësi.
Aftësi që përbëjnë përparësi
Aftësi në dizajn të animuar ose montim videosh me After Effects dhe Premiere.
Përvojë bashkëpunimi me klientë ndërkombëtarë.
Zotësi në ilustrim, 3D ose fotografi.
Përfitimet që ofrojmë
Mbulim me sigurim shëndetësor privat.
Fleksibilitet në orar dhe model hibrid pune nga zyra jonë në Prishtinë.
Mundësi për të punuar nga kudo deri në 4 javë në vit.
Pajisje të standardit të lartë dhe licenca të plota për programet kompjuterike.
Fond vjetor i dedikuar për kurse, trajnime dhe mjete pune.
Proces i strukturuar vlerësimi çdo 6 muaj dhe rrugëtim i përcaktuar qartë drejt pozitave të nivelit të lartë.
Projekte në industri të ndryshme, si për brendet tona, ashtu edhe për klientë në mbarë Evropën.
Mundësi për ta përfshirë punën tuaj në portofolin personal, pasi të jetë marrë miratimi paraprak.
Vlerat që çmojmë
Çmojmë përkushtimin në punë, qartësinë në të menduar, përpikërinë, përgjegjshmërinë, sinqeritetin, kujdesin ndaj hollësive, organizimin, kureshtjen dhe dëshirën për përmirësim.
Dokumentet e kërkuara
CV, me madhësi deri në 4 MB.
Portofol dhe 3 projektet tuaja më të mira, duke sqaruar rolin tuaj në secilin. Projektet mund të jenë punë për klientë, koncepte ose projekte personale.
