• Punët
• Rreth nesh
• Për punëdhënësit

Përmbledhje

Që prej vitit 2009, EME ASHENSOR GROUP SH.P.K vepron si distributor ekskluziv i markës ndërkombëtare Schindler në Republikën e Shqipërisë dhe Kosovës, duke ofruar shitjen, instalimin dhe mirëmbajtjen e ashensorëve, shkallëve lëvizëse dhe tapeteve lëvizëse.

Vendi i punës: Financiere Junior, me përvojë 2-3 vite.

Nën mbikëqyrjen e financieres përgjegjëse, Financiere Junior ndihmon në realizimin e veprimtarisë së përditshme financiare dhe kontabël të kompanisë.

Përgjegjësitë

• Harton dhe lëshon faturat e shitjes në përputhje me dokumentacionin dhe udhëzimet e miratuara.
• Hedh në programin Alpha Web faturat e blerjeve dhe të shitjeve.
• Monitoron pagesat e klientëve dhe mban të përditësuara evidencat për detyrimet e tyre.
• Ndihmon në verifikimin e librave të blerjes dhe shitjes, si dhe në kryerjen e veprimeve në portalin tatimor Self-Care.
• Harton situacionet për klientët dhe furnitorët dhe mbështet procesin e rakordimeve periodike.
• Mban të përditësuar kartelën EME-Schindler dhe grumbullon dokumentet e nevojshme për rakordimin me furnitorin.
• Regjistron transaksionet bankare dhe harton urdhërpagesat, të cilat i nënshtrohen kontrollit dhe miratimit të personit përgjegjës.
• Grumbullon e sistemon dokumentet për procedurat doganore dhe ndjek ecurinë e tyre sipas udhëzimeve.
• Verifikon në mënyrë periodike gjobat e automjeteve dhe informon personin përgjegjës.
• Grumbullon listëprezencat mujore, kryen kontrollin e tyre fillestar dhe ndihmon në përgatitjen e të dhënave për pagat.
• Mban të përditësuara regjistrimet e lejeve vjetore të punonjësve.
• Organizon dhe përcjell dokumentacionin që kërkon zyra kontabël.
• Harton tabelat dhe përgatit të dhënat që shërbejnë si mbështetje për raportet financiare periodike.
• Dokumenton pagesat dhe shpenzimet që lidhen me pronat objekt kleringu.
• Sistemon dokumentacionin financiar në arkivin fizik dhe atë elektronik.
• Përmbush edhe detyra të tjera mbështetëse të pozicionit, në përputhje me udhëzimet e financieres përgjegjëse.

Kriteret e kualifikimit

• Kërkohet përfundimi i arsimit të lartë në Finance, Kontabilitet ose Ekonomi.
• Nevojiten njohuri themelore për kontabilitetin dhe dokumentacionin financiar.
• Kërkohet zotërim i mirë i Excel-it, ndërsa njohuritë në Alpha Web vlerësohen si avantazh.
• Përparësi ka përvoja deri në 1 vit ose kryerja e një praktike profesionale në financë.
• Kërkohen përpikëri, aftësi organizative, respektim i konfidencialitetit dhe dëshirë për të mësuar.

Dokumentet e kërkuara

• Jetëshkrimi (CV).