Përshkrimi

Imi Pharma Albania shpk renditet ndër kompanitë më të konsoliduara në tregun farmaceutik në Shqipëri, me fokus në shpërndarjen e barnave për përdorim human dhe veterinar. Veprimtaria e saj përfshin tregtimin me shumicë, import-eksportin e produkteve farmaceutike për sektorin human dhe veterinar, pajisjeve mjekësore, si edhe angazhime të tjera brenda fushës së shëndetësisë.

Vendi i punës ndodhet në Xhafzotaj, Durrës.

Për shkak të zgjerimit të ekipit, kompania synon të angazhojë një Ekonomist/e.

Detyrat

• Hartimi dhe emetimi i faturave të shitjes në përputhje me legjislacionin fiskal dhe procedurat e brendshme të kompanisë.
• Evidentimi i transaksioneve të përditshme të arkës.
• Hedhja e dokumentacionit në programin Financa 5 dhe përditësimi i saktë i të dhënave në sistem.
• Menaxhimi dhe administrimi i dokumenteve që lidhen me shitjet dhe arkën.
• Sistemimi dhe arkivimi i dokumentacionit në mënyrë të rregullt, të saktë dhe lehtësisht të qasshme.
• Kryerja e rakordimeve periodike me klientët dhe monitorimi i pagesave.
• Ndjekja e proceseve të magazinës dhe verifikimi i përputhjes së tyre me evidencat kontabël.
• Përpilimi i raporteve periodike sipas kërkesave të menaxhmentit.
• Zbatimi me korrektësi i afateve për dorëzimin e dokumentacionit dhe të raporteve.
• Realizimi i detyrave të tjera që lidhen me këtë funksion, në varësi të nevojave të kompanisë.

Kualifikimet

• Diplomë universitare nga Fakulteti i Ekonomisë.
• Njohja e programit Financa 5 konsiderohet përparësi.
• Njohuri shumë të mira në paketën Microsoft Office.
• Shkathtësi të mira organizative dhe komunikuese.
• Aftësi për të punuar si në mënyrë të pavarur, ashtu edhe në bashkëpunim me ekipin.