Përmbledhja e punës

Njësia organizative: Departamenti i Ndërtimit
Eprori i drejtpërdrejtë: Menaxheri i Projektit
Dokumenti përkatës: JD/CD/Drejtues Kantieri
Data e dokumentit: 12/10/2026

PËRSHKRIMI I ROLIT
Drejtuesi i kantierit organizon dhe udhëheq punimet e ndërtimit deri në dorëzimin e objektit, duke siguruar respektimin e projektit, preventivit, specifikimeve teknike, standardeve dhe grafikut të miratuar.

SYNIMI I POZICIONIT
Ky pozicion synon përfundimin cilësor të projektit brenda buxhetit dhe afateve të caktuara, duke përmbushur specifikimet teknike, standardet dhe kërkesat e Investitorit.

Detyrat e pozicionit

FUSHAT E PËRGJEGJËSISË

3.1. Përgjegjësitë e përgjithshme të rolit

• Përcakton mënyrën për arritjen e objektivave dhe monitoron rregullisht ecurinë drejt përmbushjes së tyre.
• Përfundon detyrat e caktuara brenda afateve dhe me nivel të lartë cilësie, duke respektuar rregullat dhe procedurat e kompanisë.
• Sugjeron përmirësime për rritjen e efikasitetit dhe orienton vënien e tyre në praktikë.
• Dallon rreziqet kryesore që mund të pengojnë arritjen e objektivave dhe njofton Menaxherin e Projektit për to.
• Informon rregullisht Menaxherin e Projektit mbi rezultatet e punës së ngarkuar dhe vështirësitë që shfaqen.
• Gjatë zhvillimit të projektit, paraqet alternativa zgjidhjeje dhe ofron këshillim të drejtpërdrejtë për Menaxherin e Projektit.
• Respekton me përpikëri normat e etikës dhe disiplinën në vendin e punës.
• Siguron ruajtjen e fshehtësisë së çdo materiali të klasifikuar si konfidencial.
• Vë njohuritë dhe përvojën e tij profesionale në shërbim të vendimmarrjes së sektorit.
• Përmbush edhe detyrat e tjera që i ngarkohen.

3.2. Përgjegjësitë e veçanta të rolit

• Përpara nisjes së punimeve, verifikon së bashku me stafin në varësi dhe sektorin inxhinierik vlefshmërinë e dokumentacionit tekniko-ligjor të objektit, projekteve të zbatimit, preventivit dhe specifikimeve teknike. Për çdo mangësi apo parregullsi të evidentuar, paraqet vërejtjet përkatëse.
• Vë në zbatim planin e organizimit të punimeve dhe përgatit plane ditore, javore e mujore, të cilat ia paraqet Menaxherit të Projektit për shqyrtim ose miratim.
• Përgatit, vlerëson dhe zbaton metodologjinë e ndërtimit, duke i sugjeruar Menaxherit të Projektit alternativat më të përshtatshme për t'iu përmbajtur grafikut të punimeve.
• Përgjigjet për përputhjen e punimeve të realizuara me projektet e zbatimit, preventivin, specifikimet teknike dhe standardet përkatëse.