Vega Energy, pjesë e Vega Group, është në kërkim të një Construction Manager, i cili do të ketë përgjegjësi për ndjekjen dhe zbatimin e projekteve në sektorin e energjisë së rinovueshme.

Pozicioni kërkon një profesionist me formim inxhinierik, eksperiencë në menaxhimin e projekteve dhe aftësi të forta organizative e teknike, me fokus në realizimin e punimeve sipas afateve, buxhetit dhe standardeve të kërkuara.

Detyrat dhe Përgjegjësitë:

• Mbështet ekipin e shitjes në aspektin teknik gjatë procesit të ofertimit, duke kontribuar në përgatitjen dhe vlerësimin teknik të projekteve
• Mbështet planifikimin, koordinimin dhe ndjekjen e aktiviteteve të projekteve në zbatim
• Ndjek ecurinë e projekteve teknike dhe koordinon aktivitetet në kantier, duke respektuar afatet, buxhetin dhe standardet e cilësisë
• Bashkëpunon me departamentin e prokurimeve për nevojat e projektit (materiale, furnitorë, oferta dhe çështje të realizimit të punimeve)
• Koordinon me ekipet teknike, inxhinierët dhe palët e tjera për realizimin e aktiviteteve të projektit
• Identifikon problematikat teknike dhe operative gjatë zbatimit dhe kontribuon në gjetjen e zgjidhjeve të përshtatshme
• Identifikon dhe vlerëson risqet e projektit dhe ndjek masat për minimizimin e tyre
• Siguron respektimin e standardeve teknike, të cilësisë dhe të kërkesave të H&S gjatë realizimit të punimeve
• Ofron mbështetje dhe udhëzim teknik për ekipet e përfshira në projekt
• Raporton mbi ecurinë e punimeve, problematikat, risqet dhe çështjet që kërkojnë vëmendje ose vendimmarrje
• Bashkëpunon me ekipin ekzekutiv dhe departamentet e tjera për çështjet teknike dhe përshtatjen e projekteve me nevojat e biznesit
• Kontribuon në identifikimin dhe zbatimin e praktikave, teknologjive dhe standardeve të reja teknike

Kualifikimet:

• Diplomë universitare në Inxhinieri Elektrike, Energjetike ose fushë të ngjashme teknike
• Eksperiencë e mëparshme në menaxhimin ose koordinimin e projekteve të ndërtimit/energjetikës, preferueshëm si Construction Manager, Project Manager ose pozicione të ngjashme
• Njohuri të mira mbi proceset e zbatimit të projekteve, punimet në kantier dhe koordinimin e ekipeve teknike
• Njohuri mbi proceset e ofertimit, prokurimit dhe bashkëpunimit me furnitorë e kontraktorë
• Njohuri të standardeve teknike, të cilësisë dhe të sigurisë e shëndetit në punë (H&S)
• Aftësi të mira organizative, koordinuese dhe të menaxhimit të prioriteteve
• Aftësi për identifikimin dhe zgjidhjen e problematikave teknike dhe operative
• Aftësi të mira komunikimi dhe bashkëpunimi me ekipe multidisiplinare, klientë, furnitorë dhe palë të tjera