Spitali Amerikan 1 & 3 kërkon të punësojë Barrelist/Transportues

Bëhu pjesë e ekipit të Spitalit Amerikan 1 ose 3 si Barrelist/Transportues dhe luaj një rol të rëndësishëm në kujdesin ndaj pacientit. Në këtë pozitë do të ofrosh mbështetje ndaj ekipit infermieror dhe mjekësor në transportin, akomodimin e pacientit dhe mirëmbajtjen e pajisjeve me të cilat punon.

Do të ndihmosh në transportimin dhe shoqërimin e pacientëve nga repartet për ekzaminime diagnostike e ndërhyrje kirurgjikale, si dhe do të angazhohesh në transportet me ambulancë. Puna jote do të jetë mbështetje e drejtpërdrejtë për infermierët në kujdesin bazë të pacientëve.

Do të punosh në një mjedis profesional shëndetësor, ku përkushtimi, kujdesi dhe puna në ekip janë thelbësore. Nëse je person i përgjegjshëm, në formë të mirë fizike dhe që dëshiron të kontribuojë në shëndetësi, kjo është një mundësi e mirë për ty.

Detyrat

• Ndihmon në transportimin dhe shoqërimin e pacientëve nga repartet për ekzaminime diagnostike, ndërhyrje kirurgjikale
• Merr pjesë gjatë transferimit brenda dhe jashtë spitalit
• Angazhohet në transportet e pacientëve në ambulancë
• Ofron mbështetje për infermierët në kujdesin bazë të pacientëve: mobilizimin, ndryshimin e pozicionit, sipas udhëzimeve dhe nevojës

Sqarime të tjera

• Diplomë e arsimit të mesëm
• Eksperienca e mëparshme në institucione shëndetësore përbën avantazh
• Njohuri bazë të përdorimit të kompjuterit
• Njohja e gjuhës angleze ose një gjuhe tjetër të huaj përbën avantazh
• Përgatitje fizike
• Vetëm kandidatët e përzgjedhur do të kontaktohen