Ciao Berto, një kompani udhëheqëse në prodhimin e mobiljeve në Kosovë dhe jashtë saj, po zgjeron veprimtarinë afariste dhe kërkon kandidatë të interesuar për vendin e lirë të punës të paraqitur më poshtë.

Vendi i punës: Fabrika Milloshevë

Pagesa dhe përfitimet: Ofrohen pagë mujore, shujtë ditore dhe transport.

Afati përfundimtar i aplikimit: 10.11.2026

Vendi i lirë: Arkitekt/e ( Praktikë )

Detyrat dhe përgjegjësitë:

Mbështet përgatitjen dhe zhvillimin e projekteve duke ndjekur udhëzimet e mbikëqyrësit, si dhe ndihmon në hartimin e detajeve dhe dokumentacionit teknik për prodhimin e mobiljeve.
Punon së bashku me ekipet përkatëse për t’i realizuar projektet në përputhje me standardet e kompanisë.

Aftësitë dhe kualifikimet e kërkuara:

Të jetë student/e në vitet e fundit ose i/e diplomuar në Arkitekturë, Dizajn të Enterierit apo në një fushë të përafërt.
Të ketë interes për projektimin e mobiljeve dhe procesin e prodhimit të tyre.
Të tregojë përgjegjshmëri, angazhim dhe vullnet për të mësuar e për të zhvilluar aftësitë profesionale.

Perspektiva e punësimit: Kandidatëve që e përfundojnë me sukses praktikën mund t’u ofrohet vazhdimi i angazhimit dhe punësimi me kontratë të rregullt, në varësi të performancës së tyre dhe nevojave të kompanisë.

Dokumentet e kërkuara

CV-ja.
Dokumentet përcjellëse.

Kompania falënderon kandidatët për interesimin dhe njofton se në intervistë do të ftohen vetëm ata, profili i të cilëve përputhet më së shumti me kërkesat e saj.

Konkurs për punësim — Nr.04/2026

Data e konkursit: 21.10.2026

Arkitekt/e (Praktikë)