Account Manager është një rol kyç në agjencinë tonë, përgjegjës për menaxhimin e marrëdhënieve me klientët dhe koordinimin e suksesshëm të projekteve dhe fushatave të marketingut. Ky pozicion shërben si pika kryesore e kontaktit mes klientit dhe ekipit të agjencisë, duke siguruar që objektivat e biznesit të klientit të përkthehen në zgjidhje efektive marketingu dhe rezultate të matshme.
Përgjegjësitë kryesore:
- Menaxhon komunikimin e përditshëm me klientët dhe ndërton marrëdhënie të forta e afatgjata me ta
- Kupton nevojat, objektivat dhe sfidat e klientëve, duke i përkthyer në brief-e të qarta për ekipet e brendshme
- Koordinon dhe ndjek zbatimin e projekteve dhe fushatave të marketingut, nga planifikimi deri në finalizim
- Bashkëpunon ngushtë me ekipet e marketingut, dizajnit, përmbajtjes, medias dhe prodhimit për realizimin me sukses të projekteve
- Monitoron afatet, buxhetet dhe ekzekutimet, duke garantuar cilësi të lartë dhe respektim të angazhimeve ndaj klientit
- Siguron që aktivitetet dhe fushatat të jenë në përputhje me strategjinë dhe objektivat e klientit
- Identifikon mundësi për zhvillimin e llogarive ekzistuese dhe zgjerimin e bashkëpunimit me klientët
- Përgatit prezantime, oferta, raporte dhe analiza të performancës së fushatave
- Ndjek rezultatet e aktiviteteve të marketingut dhe komunikon rekomandime për optimizim
- Menaxhon problematikat dhe gjen zgjidhje efektive për të siguruar kënaqësinë e klientit
- Kontribuon në përmirësimin e proceseve të brendshme dhe në ndërtimin e një kulture bashkëpunuese e profesionale
Profili ideal:
- Formim në Marketing, Komunikim, Menaxhim Biznesi ose fusha të ngjashme
- Minimum 4 vite eksperiencë në account management, marketing, komunikim ose menaxhim projektesh në social media
- Njohuri të mira mbi marketingun, branding-un, komunikimin dhe kanalet digjitale
- Aftësi shumë të mira komunikimi, prezantimi dhe negocimi
- Aftësi të forta organizative dhe menaxhimi të disa projekteve paralelisht
- Mendim analitik dhe orientim drejt rezultateve
- Aftësi për të ndërtuar marrëdhënie të besueshme me klientët dhe ekipet e brendshme
- Qasje proaktive, përgjegjësi e lartë profesionale dhe aftësi për zgjidhjen e problemeve
Një Account Manager nuk është thjesht koordinues i projekteve. Ai/ajo është partner strategjik i klientit dhe garantues i cilësisë së punës së agjencisë, duke balancuar nevojat e klientit me standardet dhe objektivat e biznesit.
Kërkojmë profesionistë që marrin përgjegjësi, ndërtojnë besim, mendojnë në mënyrë strategjike dhe kontribuojnë në krijimin e fushatave dhe projekteve me ndikim real.
