Arkitekt/e - XPLAN Studio

Përshkrimi:
XPLAN Studio është më shumë se një studio arkitekture, është një hapësirë ku idetë marrin formë dhe shndërrohen në realitet. Studio ofron një mjedis profesional dinamik, ku kreativiteti, inovacioni dhe ekspertiza teknike ndërthuren për të krijuar projekte me ndikim. Arkitektet në XPLAN Studio kanë mundësinë të zhvillohen profesionalisht, të sfidojnë dhe të kontribuojnë në krijimin e hapësirave unike dhe funksionale.

Në kuadër të zgjerimit të ekipit, studioja kërkon një Arkitekt/e të talentuar dhe të përkushtuar, i cili do të jetë i përfshirë në të gjitha fazat e projektimit, nga koncepti fillestar deri në realizimin e tij. Ky rol ofron mundësinë për të punuar në projekte komplekse dhe për të bashkëpunuar me një rrjet të gjerë profesionistësh.

Detyrat:

• Zhvillimi i koncepteve arkitekturore në përputhje me kërkesat e klientit dhe vizionin e kompanisë.
• Përgatitja e projekteve arkitekturore në të gjitha fazat, nga koncepti fillestar deri te detajet ekzekutive.
• Zhvillimi i modeleve 3D dhe prezantimeve vizuale për klientët dhe bashkëpunëtorët.
• Koordinimi me inxhinierë, projektues të tjerë dhe palë të interesuara për të siguruar një integrim të plotë të disiplinave.
• Njohja dhe aplikimi i rregulloreve dhe normativave në fuqi për projektimin dhe zbatimin.
• Inspektimi i kantierit për të siguruar që projekti zbatohet sipas planeve të miratuara.
• Përgatitja e dokumentacionit teknik dhe specifikimeve të materialeve për projektet.
• Zbatimi i standardeve më të mira në dizajn dhe funksionalitet për të ofruar zgjidhje inovative.

Kualifikimet:

• Diplomë në Arkitekturë dhe eksperiencë të mëparshme në studio arkitekturore.
• Njohuri të avancuara të softuerëve të projektimit si AutoCAD, Revit, Rhino, dhe paketa të tjera vizualizimi.
• Aftësi të forta konceptuale dhe kreative për zhvillimin e projekteve unike dhe funksionale.
• Eksperiencë në përgatitjen e dokumenteve teknike dhe ndjekjen e procesit të ndërtimit.
• Aftësi për të punuar në grup dhe për të bashkëpunuar me ekipin e inxhinierëve dhe kontraktorëve.
• Përkushtim ndaj detajeve dhe aftësi për të menaxhuar disa projekte njëkohësisht.

Dokumentet e kërkuara:

• CV
• Portfolio

Shënime:

• Në XPLAN Studio ofrohet një ambient profesional dhe frymëzues, ku arkitektët kanë mundësi të zhvillojnë kreativitetin dhe talentin e tyre.
• XPlan Studio SH.P.K., Rr."Kavajes" Kompleksi 'SQUARE 21', Tiranë, Albania