Mbështetur në Ligjin nr 80/2015 “Për arsimin e lartë…”, në Statutin e UMT, Urdhrin nr. 66, datë 16.7.2020 “Për ngritjen e komisionit të monitorimit dhe grupit teknik të punës për pranimet e kandidatëve që aplikojnë në programet e ciklit të parë dhe të integruar të ciklit të dytë, në Universitetin e Mjekësisë, Tiranë, për vitin akademik 2020-2021” të Rektorit të UMT-së, si dhe në shkresën nr. 1756, datë 03.08.2020 të Drejtorisë së Administrimit Akademik dhe Kurrikulës, Rektorati i UMT, kërkojmë shpalljen në faqen zyrtare të UMT, të konkursit për ekspert të jashtëm që do të angazhohet në procesin e renditjes së aplikantëve në Universitetin e Mjekësisë, Tiranë, për vitin akademik 2020-2021.

Kriteret e Përzgjedhjes Së Kandidatit Si Dhe Dokumentacion Përkatës Për Ekspertin e Jashtëm Që Do Të Angazhohet Në Procesin e Renditjes Së Aplikantëve Në Universitetin e Mjekësisë, Tiranë, Për Vitin Akademik 2020-2021, Janë Si Më Poshtë

• Të ketë përfunduar studimet e larta në fushën e shkencave informatike ose të aplikuara;
• Të njohë ligjin nr. 80/2015 “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”;
• Të njohë kurrikulën e re dhe të vjetër të arsimit parauniversitar në Republikën e Shqipërisë;
• Të ketë eksperiencë në përllogaritjen e pikëve të kandidatëve që kanë aplikuar në institucionet e arsimit të lartë;
• Preferohet të ketë njohuri të avancuara të programit Excel, në përdorimin e funksioneve të kërkimit, logjike dhe të përputhjes (Match/Vlookup/index).

Dokumentacioni i Nevojshëm

• Kërkesë me shkrim;
• Jetëshkrim sipas formatit standard (europass);
• Fotokopje të letërnjoftimit (ID);
• Kopje e noterizuar e diplomës/diplomave dhe njehsimin e tyre në MAS (për diplomat e marra jashtë vendit), bashkë me listën e notave të noterizuara (për secilin program përkatës studimi);
• Dokument që vërteton eksperiencën në përllogaritjen e pikëve si edhe të programeve sipas pikës 4 dhe 5 të kritereve