Kriteret e Përzgjedhjes Së Kandidatëve Si Dhe Dokumentacioni Përkatës Për Pozicionin e Punës Vakant Personel Ndihmës Akademik Me Karakter Adminstrativ, Me Kohë Të Plotë, “Përgjegjës”, Në Sektorin e Koordinimit Institucional, Në Rektoratin e Universitetit Të Mjekësisë, Tiranë, Të Jenë Si Më Poshtë

Bazuar në ligjin nr. 80/2015, “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”, në Statutin dhe Rregulloren e Universitetit të Mjekësisë, Tiranë, në vendimin e Bordit Administrativ te UMT-së nr. 40 datë 04.07.2019 “Për miratimin e numrit të përsonelit të UMT-së, në të gjitha nivelet”, i nryshuar, si dhe Urdhrin e Rektorit nr.148, datë 11.10.2023 “Për miratimin e kritereve për kandidatët për personel ndihmës akademik me karakter administrativ në Rektoratin e Universitetit të Mjekësisë, Tiranë”, shpall konkursin për një vend të lirë pune “Përgjegjës”, në Sektorin e Koordinimit Institucional, në Rektoratin e Universitetit të Mjekësisë, Tiranë :

Kritere Të Përgjithshme

• Të zotërojë diplomë të nivelit “Master i Shkencave” ose ekuivalente me të (DIND)
• Të ketë eksperiencë pune jo më pak se 5 (pesë) vite, eksperienca e punës në institucionet publike përben avantazh;
• Të zotërojë me dëshmi, njohuri të avancuara profesionale të paketës Microsoft Office;
• Të zotërojë me dëshmi një nga gjuhët e huaja perëndimore (Anglisht, Frëngjisht, Spanjisht, Italisht, Gjermanisht);
• Të zotërojë gjuhën shqipe të shkruar dhe të folur;
• Të jetë shtetas shqiptar me zotësi të plotë për të vepruar;
• Të zotërojë aftësitë e nevojshme profesionale për vendin e punës, për të cilin konkurron;
• Të mos jetë i dënuar me vendim të formës së prerë të gjykatës për kryerjen e një vepre penale;
• Të mos jetë marrë ndaj tij masa disiplinore, që nuk është shuar sipas ligjit;
• Të ketë vlerësime pozitive të përvojave të mëparshme në punë;
• Të jetë në kushte shëndetësore që e lejojnë të kryejë detyrën përkatëse

Dokumentacioni i kërkuar

• Kërkesë me shkrim për aplikim;
• Jetëshkrim (CV) sipas formatit standard (europass);
• Fotokopje të pasaportës ose kartës së identitetit;
• Kopje e noterizuar e diplomës/diplomave dhe njehsimet e tyre në MASR (për diplomat e marra jashtë vendit), bashkë me listën e notave të noterizuar (për secilin program përkatës studimit);
• Kopje e noterizuar e librezës së punës (të gjitha faqet që vërtetojnë eksperiencën në punë);
• Kopje e noterizuar e dëshmisë së njohjes së gjuhës së huaj;
• Certifikate/ Dëshmi e noterizuar që vërtetojnë njohuri të avancuara profesionale të paketës Microsoft Office;
• Vërtetim i gjendjes shëndetësore të marrë brenda tri muajve të fundit (raport mjekësor për aftësinë në punë);
• Formular vetë deklarim sipas formës së kërkuar nga ligji 138/2015;
• Çdo dokument tjetër që vërteton trajnimet, kualifikimet, arsimin shtesë apo të tjera të përmendura në jetëshkrim dhe në kriteret;
• Referenca nga punëdhënës të mëparshëm, që provojnë vlerësimet pozitive në punë;
• Vërtetim i gjendjes gjyqësore (Dëshmi penaliteti) të marrë brenda tri muajve të fundit.
• Vërtetim nga punëdhënësi i mëparshëm që nuk ka masë disiplinore në fuqi;

Mungesa e një prej dokumentacioneve të kërkuara më sipër, sjell s’kualifikim të kandidatit.

Dokumentacioni i dorëzuar nuk do të kthehet mbrapsht, pasi bëhet pjesë e arkivës së Institucionit.

Fusha e njohurive, aftësive dhe cilësitë të cilat do të zhvillohet intervista:

• Njohuri mbi ligjin nr. 80/2015, datë 22.07.2015 “Për arsimin e lartë dhe kërkimin shkencor në IAL në RSH”;
• Njohuri mbi aktet ligjore dhe nënligjore të arsimit të lartë lidhur me programet e studimitdhe pranimit në programet sipas cikleve të studimit;
• Njohuri mbi Kodin Administrativ;
• Njohuri mbi sistemin para universitar në Republikën e Shqipërisë;
• Njohuri mbi Statutin dhe Rregulloren e Universitetit të Mjekësisë, Tiranë;

Mënyra e Vlerësimit

Përzgjedhja e kandidatit fitues do të bëhet nëpërmjët konkurimit me dosje dhe me intervista të drejtëpërdrejta.

Në lidhje me dokumentacionin e dorëzuar kandidatët do të vlerësohen për përvojën, trajnimet apo kualifikimet e lidhura me fushën.

Në lidhje me intervistën e punës kandidatët do të vlerësohen për njohuritë mbi legjislacionin e sipërcituar, aftësitë, kompetencat, eksperiencën e tyre të mëparshme, motivimin, aspiratat si dhe pritshmëritë e tyre për karrierën.

17 October, 2023 |