Bazuar në nenin 3, 57 pika 2 e nenet në vijim të ligjit nr. 80/2015 “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”, në nenin 5, 59 pika 4, 61 pika 1, 63 e vijues të statutit të Universitetit të Mjekësisë, Tiranë (UMT), në urdhrin e Rektorit të UMT-së nr. 89, datë 06.09.2022 “Për punësimin e personelit akademik me kohë të pjesshme, për vitin akademik 2022-2023, në Universitetin e Mjekësisë, Tiranë”, si dhe në shkresën e Fakultetit të Mjekësisë Dentare nr. 621 prot., datë 25.10.2022, “Publikimi i vendeve për personel akademik me kohë të pjesshme për fazën e dytë në departamente të FMD-së, në lëndë formuese dhe lëndë mjekësore të FMD”, Universiteti i Mjekësisë, Tiranë, shpall thirrjen publike për të gjithë të interesuarit që duan të konkurrojnë për personel akademik me kohë të pjesshme (pedagogë të jashtëm) për vitin akademik 2022-2023, për vendet vakante si më poshtë

• Departamenti i Terapisë Stomatologjike 2 (dy) vende
• Bachelor në “Higjenist Dentar”, “Teknikë Dentare” 1 (një) vend
• Lëndë Formuese:
• Sociologji 1 (një) vend
• Lëndë Mjekësore për programet e studimit Bachelor në “Higjenist Dentar” dhe “Teknikë Dentare”:
• Fiziologji patologjike 2 (dy) vende
• Etikë Deontologji 1(një) vend
• Sëmundje të Brendshme 1 (një) vend

Kandidatët aplikantë duhet të plotësojnë këto kritere:

Kriteret e Përgjithshme

• Të jetë diplomuar në programe të integruara ose Master Shkencor në degën përkatëse;
• Të ketë përfunduar studimet universitare për Stomatologji me notë mesatare mbi 8;
• Të zotërojë me dëshmi një nga pesë gjuhët e huaja të Bashkimit Evropian (Anglisht, Gjermanisht, Frëngjisht, Italisht, Spanjisht);
• Të mos jetë i dënuar me vendim të formës së prerë nga gjykata

Kriteret Preferenciale

• Të ketë cikël të tretë studimi në fushën përkatëse (Specializim afatgjatë/Doktoraturë);
• Të ketë eksperiencë pune në specialitetin përkatës;
• Të ketë eksperiencë në mësimdhënie në fushën përkatëse;
• Të ketë publikime në revista shkencore, konferenca ose pjesëmarrje në kërkim shkencor;
• Të zotërojë aftësi profesionale për vendin e punës;

Kandidatët që aplikojnë, duhet të dorëzojnë pranë zyrës së protokollit, Fakulteti i Mjekësisë Dentare pranë QSUNT-së, dosjen personale (të inventarizuar), me dokumentat si më poshtë

Dokumentacioni që do të dorëzohet nga personeli akademik me kohë të pjesshme:

• Kërkesë me shkrim drejtuar njësisë bazë ku do të konkurrojë/ kandidojë;
• Curriculum Vitae e detajuar me të gjithë aktivitetin shkencor dhe botues të kandidatit;
• Leje nga punëdhënësi në organizatën ose institucionin ku punon;
• Dokument identifikimi;
• Fotokopje të noteruara të diplomës dhe listë së notave të të gjitha programeve të studimit (Bachelor, Master Shkencor, Program të Ciklit të Tretë të Studimeve (Specializim Afatgjatë /Doktoraturë);
• Fotokopje të noteruara të vërtetimit të ekuivalentimit të diplomës nga MAS, si diplomë, listë notash si dhe njohje të gradave për kandidatët që kanë studiuar jashtë shtetit;
• Kopje të noteruara të dëshmive të gjuhëve të huaja të mbrojtura (e detyrueshme të paktën një);
• Kopje të noteruar të librezës së punës;
• Vërtetim page, shoqëruar me derdhjen e sigurimeve shoqërore nga qendra e punës;
• Dëshmi penaliteti;
• Dy referenca nga të cilat të paktën njëra të jetë nga një profesor i fakultetit që është diplomuar (dorëzohet vetëm nëse kandidati aplikon për herë të parë).

Mungesa e një prej dokumentacioneve të kërkuara më sipër, sjell s’kualifikim të kandidatit. Dokumentacioni i dorëzuar nuk do të kthehet mbrapsht, pasi bëhet pjesë e Arkivës së Insititucionit.

Afati i dorëzimit të dokumentacionit është 5 ditë pune nga data e shpalljes në Buletinin e APP-së.

Mënyra e Vlerësimit

Përzgjedhja e kandidatit fitues do të bëhet nëpërmjet konkurrimit me dosje dhe me intervista të drejtë për drejta.

Në lidhje me dokumentacionin e dorëzuar kandidatët do të vlerësohen për përvojën, trajnimet apo kualifikimet e lidhura me fushën.

Në lidhje me intervistën e punës kandidatët do të vlerësohen për njohuritë mbi legjislacionin e arsimit të lartë, aftësitë, kompetencat, eksperiencën e tyre të mëparshme, motivimin, aspiratat si dhe pritshmëritë e tyre për karrierën, etj.

31 October, 2022 |