Bazuar Në Ligjin Nr. 80/2015 “Për Arsimin e Lartë Dhe Kërkimin Shkencor Në Institucionet e Arsimit Të Lartë Në Republikën e Shqipërisë”, Statutin e Universitetit Të Mjekësisë, Tiranë, Në Vendimin e Bordit Të Administrimit Nr. 63, Datë 08.10.2021“Për Miratimin e Kritereve Të Punësimit Të Personelit Administrativ Të Universitetit Të Mjekësisë, Tiranë” i Ndryshuar, Si Dhe Në Urdhrin e Administratorit Të UMT-së Nr. 135, Datë 27.06.2024 “Për Fillimin e Procedurës Së Punësimit Për Pozicionin e Punës “Teknik i Mesëm i Specialiteteve Të Ndryshme”, Në Sektorin e Shërbimeve Dhe Investimeve, Në Fakultetin e Shkencave Mjekësore Teknike, Universiteti i Mjekësisë, Tiranë”, Shpallet Konkursi Për 1 (një) Vend Të Lirë Pune Si Më Poshtë

Fillimi i procedurës së punësimit për 1 (një) vend në pozicionin e punës “Teknik i Mesëm i Specialiteteve të Ndryshme”, me kohë të plotë në Fakultetin e Shkencave Mjekësore Teknike, Universiteti i Mjekësisë, Tiranë.

Përshkrimi Përgjithësues i Punës

Mirëmban në vazhdimësi të gjitha ambjentet e Fakultetit ku përfshihen auditorët, zyrat, laboratorët, nyjet hidrosanitare, dyert dhe dritaret.
Mirëmban dhe vë në funksionim sistemin e ngrohjes, ftohjes dhe aspirimit.
Ka në mbikqyrje të përditshme sistemin elektrik si dhe të gjitha nyjet hidrosanitare, evidenton mangësitë dhe i raporton ato tek Kryetari i Degës së Shërbimeve.
Ka në mbikqyrje ambientet e brendshme dhe të jashtme të fakultetit dhe merr masa për të korrigjuar e meremetuar defektet.
Përveç detyrave kryesore, ndjek dhe realizon edhe detyra të tjera rastësore sipas nevojave të
Realizon çdo detyrë tjetër të ngarkuar nga eprorët.

Kandidatët Për “Teknik i Mesëm i Specialiteteve Të Ndryshme”, Me Kohë Të Plotë Në Fakultetin e Shkencave Mjekësore Teknike, Në Universitetin e Mjekësisë, Tiranë, Duhet Të Plotësojnë Këto Kritere

Kërkesat e përgjithshme që duhet të plotësoj kandidati janë :

Të jetë shtetas shqiptar;
Të plotësoj kërkesat e posaçme për nivelin e arsimit, përvojës dhe kërkesat e tjera të posaçme për kategorinë, klasën, grupin dhe pozicionin përkatës;
Të ketë vlerësime pozitive të përvojave të mëparshme të punës;
Të zotëroj gjuhën shqipe, të shkruar dhe të folur;

Kriteret

Të kenë përfunduar studimet e mesme për teknik i specialiteteve të ndryshme.
Të ketë certifikatë/diploma për specialitetin në vartësi të specifikave të punës;
Të ketë të paktën 2 vite përvojë pune

Kushtet

Të ketë zotësi të plotë për të vepruar;
Të jetë në kushte shëndetësore që e lejojnë të kryejë detyrën përkatëse;
Të mos jetë dënuar me vendim te formës së prerë të gjykatës për kryerjen e një krimiapo për kryerjen e një kundravajtje penale me dashje;
Ndaj tij të mos jetë marrë ndonjë masë disiplinore, që nuk është shuar sipas ligjit;

Dokumentacioni i kërkuar

Kërkesë me shkrim për aplikim;
Jetëshkrim (CV) sipas formatit standard (europass) i përditësuar;
Fotokopje të pasaportës ose kartës së identitetit (ID);
Kopje të noteruar e diplomës/diplomave dhe/ose njehsimin e tyre në MAS (për diplomat e marra jashtë vendit), bashkë me listën e notave të noteruara (për ciklet përkatëse të studimit, sipas rastit);
Kopje të librezës së punës e noteruar (të gjitha faqet që vërtetojnë përvojën në punë);
Vërtetim i gjendjes shëndetësore të marrë brenda tri muajve të fundit (raport mjekësor për aftësinë në punë);
Vërtetim i gjendjes gjyqësore (dëshmi penaliteti) të marrë brenda tri muajve të fundit;
Formular vetëdeklarim sipas formës së kërkuar nga ligji nr. 138/2015;
Vërtetim nga punëdhënës të mëparshëm, që nuk ka masë disiplinore në fuqi;
Dokument tjetër që vërteton trajnimet, kualifikimet, arsimin shtesë, apo të tjera të përmendura në jetëshkrim;
Referencë nga punëdhënësit e fundit, që provojnë vlerësimet pozitive në punë;

Mungesa e një prej dokumentave të kërkuara më sipër, sjell s’kualifikim të kandidatit.

Dokumentacioni i dorëzuar nuk do të kthehet mbrapsht, pasi bëhet pjesë e arkivës së *Institucionit.

Kandidatët e interesuar, duhet të dorëzojnë dokumentacionin e kërkuar origjinal ose të njehsuar me origjinalin, të inventarizuar në Sektorin e Protokoll- Arkivës, në Universitetin e Mjekësisë, Tiranë. Adresa: Rruga e Dibrës, Nr.371, 1005, Tiranë.

Mënyra e Vlerësimit

Përzgjedhja e kandidatit fitues do të bëhet nëpërmjet konkurimit me dosje dhe me intervista të drejtëpërdrejta.

Në lidhje me dokumentacionin e dorëzuar, kandidatët do të vlerësohen për përvojën, trajnimet apo kualifikimet e lidhura me fushën.

Në lidhje me intervistën e punës kandidatët do të vlerësohen për njohuritë mbi legjislacionin e sipërcituar, aftësitë, kompetencat, eksperiencën e tyre të mëparshme, motivimin, aspiratat si dhe pritshmëritë e tyre për karrierën.

8 July, 2024 |

Konferenca Ndërkombëtare për Ndërkombëtarizimin në Arsimin e Lartë

Njoftim për zhvillim aktiviteti