Bazuar në ligjin nr. 80/2015, “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”, Universiteti i Mjekësisë, Tiranë, shpall konkursin për pozicionin e punës, Personel Akademik, në lëndën e Ortopedi Traumatologjisë, në Departamentin e Kirurgjisë, në Fakultetin e Mjekësisë.

Kriteret

Kritere Të Përgjithshme

Kandidatët për personel akademik, me kohë të plotë, në Departamentin Kirurgjisë, në Fakultetin e Mjekësisë, duhet të plotësojnë këto kritere:

• Të jenë diplomuar në fushën përkatëse (Ortopedi Traumatologji)
• Të ketë përfunduar studimet universitare me rezultate të larta
• Të ketë të paktën gradën shkencore “Doktor Shkencash Mjekësore”
• Të zotëroj me dëshmi një gjuhë të huaj perëndimore
• Të jetë shtetas shqiptar
• Të zotëroj gjuhën shqipe, të shkruar dhe të folur;
• Të ketë zotësi të plotë për të vepruar;
• Të jetë në kushte shëndetësore që e lejojnë të kryejë detyrën përkatëse;
• Të mos jetë i dënuar me vendim të formës së prerë nga gjykata;
• Të mos jetë marrë ndaj tij masa disiplinore e largimit nga puna;

Kritere Preferenciale

• Të zotëroj Diplomë të studimeve në Mjekësi me mesatare 9 e lartë.
• Preferohen aplikantët me më shumë se një gjuhë të huaj.
• Të ketë eksperiencë në mësimëdhënie si Pedagog i Jashtëm të paktën 5 vjet. Preferohet që kjo eksperiencë të jetë në Institucionin ku po aplikohet për këtë vend vakante (Fakulteti i Mjekësisë, Universiteti i Mjekësisë, Tiranë)
• Të ketë botime në revista mjekësore brenda dhe jashtë vendit. Preferohen ato me impakt faktori
• Preferohen të kenë punuar pranë Shërbimit Universitar Ortopedi-Traumatologji në Tiranë për të paktën 5 vite.

Dokumentacioni i kërkuar

Kandidatët Që Aplikojnë, Duhet Të Dorëzojnë Pranë Zyrës Së Burimeve Njerëzore, Në Fakultetin e Mjekësisë, Dosjen Personale ( Të Inventarizuar), Me Dokumentat Si Më Poshtë

• Kërkesë me shkrim për aplikim;
• Jetëshkrimin (CV) sipas formatit standard (europass);
• Fotokopje të pasaportës ose kartës së identitetit;
• Kopje e noterizuar e diplomës/diplomave dhe njëhsimin e tyre në MAS (për diplomat e marra jashtë vendit), bashkë me listën e notave të noterizuara (për secilin program përkatës studimi);
• Dëshmi të kualifikimeve pasuniversitare ose të gradave dhe titujve (fotokopje të noteruara). Për diplomat master ose PhD të marra në universitetet e huaja, duhet të dorëzohet fotokopje e noteruar e çertifikatës së njohjes nga organi competent ose vërtetim që janë në proçes njohje.
• Dëshmi të pjesëmarrjes në konferenca apo seminare etj.
• Të paktën dy referenca nga profesorë.
• Kopje e noterizuar e librezës së punës(të gjitha faqet që vërtetojnë eksperiencën në punë);
• Kopje e noterizuar e dëshmisë së njohjes së gjuhës së huaj;
• Kopje të artikujve, teksteve, revista, projekte shkencore etj.
• Vërtetim i gjendjes shëndetësore të marrë brenda tre muajve të fundit (raport mjekësor për aftësinë në punë);
• Vërtetim nga gjykata dhe prokuroria.
• Dëshmi penaliteti të marrë brenda tre muajve të fundit.

Afati i dorëzimit të dokumentacionit: 08.04.2019-19.04.2019 (10 ditë pune)

Fusha e njohurive, aftësive dhe cilësitë të cilat do të zhvillohet intervista:

• Njohuri mbi ligjin nr. 80/2015 datë 22.07.2015, “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”.
• Njohuri të akteve ligjore dhe nënligjore në fuqi për fushën e mësimëdhënies në institucionet e arsimit të lartë.

Mënyra e Vlerësimit

Përzgjedhja e kandidatit fitues do të bëhet nëpërmjët konkurimit me dosje dhe me intervista të drejtëpërdrejta.

Në lidhje me dokumentacionin e dorëzuar kandidatët do të vlerësohen për përvojën, trajnimet apo kualifikimet e lidhura me fushën.

Në lidhje me intervistën e punës kandidatët do të vlerësohen për njohuritë mbi legjislacionin e sipërcituar, aftësitë, kompetencat, eksperiencën e tyre të mëparshme, motivimin, aspiratat si dhe pritshmëritë e tyre për karrierën.

Vlerësimi do të bëhet sipas formularit të vlerësimit të kandidatëve për personel akademik i miratuar nga Senati Akademik i Universitetit të Mjekësisë, Tiranë, i publikuar në faqen zyrtare

8 April, 2019 |

Previous

KRITERET E PUNËSIMIT PËR VENDE PUNE, “LABORANT” ME KONTRATË ME AFAT TË CAKTUAR, NË DEPARTAMENTIN E KIRURGJISË, NË FAKULTETIN E MJEKËSISË, UNIVERSITETI I MJEKËSISË, TIRANË

Next

KRITERET E PUNËSIMIT PËR PERSONEL AKADEMIK, ME KOHË TË PLOTË, NË DEPARTAMENTIN E SËMUNDJEVE TË BRENDSHME, NË SHËRBIMIN GASTROHEPATOLOGJI, NË FAKULTETIN E MJEKËSISË, UNIVERSITETI I MJEKËSISË, TIRANË