Konkurs

Për Universitetin e Prishtinës është hapur konkurs për plotësimin e vendeve të lira të punës për pozitën Zyrtar/e ligjor/e për përfaqësime – dy (2) pozita.

Të dhënat për pozitën

• Institucioni: Universiteti i Prishtinës
• Njësia organizative: Departamenti për Çështje Ligjore
• Pozita: Zyrtar/e ligjor/e për përfaqësime
• Kategoria funksionale: Profesional 1
• Klasa: I13
• Numri i pozitave: Dy (2)
• Kohëzgjatja: Marrëdhënie pune me kohë të pacaktuar, në përputhje me legjislacionin në fuqi

Detyrat dhe përgjegjësitë

Zyrtari/ja ligjor/e për përfaqësime do të ketë këto obligime kryesore:

1. Përgatit parashtresa, mjete juridike të rregullta dhe të jashtëzakonshme, si edhe dokumente të tjera që kërkohen për përfaqësimin gjyqësor të Universitetit.
2. E përfaqëson Universitetin në konteste dhe procedura pranë institucioneve të drejtësisë, si dhe para tribunaleve të arbitrazhit.
3. Merr pjesë në procedura ndërmjetësimi dhe forma të tjera alternative të zgjidhjes së mosmarrëveshjeve, brenda autorizimeve të deleguara.
4. Përfaqëson Universitetin edhe para autoriteteve të tjera ligjore dhe institucioneve të Republikës së Kosovës.
5. Ndihmon në hartimin e këshillave juridike, marrëveshjeve dhe memorandumeve të mirëkuptimit.
6. Bashkërendon punët me zyrtarët e tjerë të Departamentit sipas nevojës.
7. Përpilon raporte për ecurinë e lëndëve në të cilat Universiteti përfaqësohet në gjykatë.
8. Merr pjesë në mbledhjet e Këshillit Drejtues dhe të Senatit, si dhe përgatit procesverbalet dhe vendimet e miratuara nga këto organe.
9. Harton raporte tremujore, gjashtëmujore, nëntëmujore dhe vjetore lidhur me realizimin e punëve dhe detyrave.
10. Kryen edhe detyra të tjera që i caktohen nga Drejtori i Departamentit.

Kualifikimet dhe shkathtësitë e kërkuara

Kandidatët duhet t’i plotësojnë këto kushte:

1. Të kenë diplomë universitare master ose ekuivalente, me së paku katër (4) vjet studime nga fusha e drejtësisë.
2. Provimi i jurisprudencës konsiderohet përparësi.
3. Të kenë së paku tri (3) vite përvojë pune profesionale, prej të cilave të paktën një (1) vit në sistemin e drejtësisë.
4. Të jenë të aftë të hartojnë dokumente ligjore logjike, të qarta dhe të sakta.
5. Të zotërojnë njohuri të thella për legjislacionin e zbatueshëm në Kosovë, si dhe për të drejtën evropiane dhe ndërkombëtare.
6. Të kenë shkathtësi shumë të mira të komunikimit me shkrim dhe me gojë.
7. Njohja e gjuhës angleze përbën përparësi.

Kriteret e përgjithshme për pranimin në detyrë

Kandidati/ja duhet:

1. Të jetë shtetas/e i/e Republikës së Kosovës.
2. Të ketë zotësi të plotë veprimi.
3. Të zotërojë të paktën njërën nga gjuhët zyrtare, në pajtim me Ligjin për Gjuhët.
4. Të jetë i/e aftë për ushtrimin e detyrës përkatëse.
5. Të mos jetë i/e dënuar për kryerjen e veprës penale me dashje.
6. Të mos ketë në fuqi masë disiplinore për shkelje të rënda në institucion publik.
7. Të ketë arsimimin, përvojën profesionale dhe aftësitë që kërkohen për pozitën.
8. Të kalojë me sukses procedurën e pranimit.

Dokumentet e nevojshme për aplikim

Kandidatët duhet të dorëzojnë:

1. Formularin e aplikimit.
2. CV-në e kandidatit/es.
3. Kopjen e dokumentit të identifikimit.
4. Ekstraktin e lindjes, origjinal.
5. Kopjen e diplomës së kërkuar me konkurs, të vërtetuar nga noteri.
6. Nostrifikimin e diplomës, nëse diploma është fituar jashtë vendit, të vërtetuar nga noteri.
7. Dëshmi për përvojën e punës profesionale.
8. Dëshmi për dhënien e provimit të jurisprudencës, nëse ka.
9. Vërtetim nga gjykata kompetente se kandidati/ja nuk është i/e dënuar për vepër penale, në origjinal.
10. Dëshmi të tjera relevante që vërtetojnë përmbushjen e kushteve të konkursit.

Procedura e përzgjedhjes

Përzgjedhja zhvillohet në këto faza:

1. Verifikimi paraprak i aplikacioneve.
2. Testimi me shkrim.
3. Intervista me gojë.

Kandidat/i/ja fitues/e do të konsiderohet ai/ajo që, sipas rang-listës përfundimtare, grumbullon numrin më të madh të pikëve dhe e kalon pragun minimal të përcaktuar nga legjislacioni në fuqi.

Afati i aplikimit

Afati për aplikim është tridhjetë (30) ditë nga dita e publikimit të konkursit.

• Nga data: 18.06.2026
• Deri më: 17.07.2026, ora 16:00