KONKURS

Për plotësimin e vendit të lirë të punës

Zyrtar i Auditimit të Brendshëm – një (1) pozitë

Të dhënat për pozitën

Institucioni: Universiteti i Prishtinës
Njësia organizative: Departamenti i Auditimit të Brendshëm
Pozita: Zyrtar i Auditimit të Brendshëm
Kategoria funksionale: Profesional 1
Klasa: W15
Numri i pozitave: Një (1)
Kohëzgjatja: Me kohë të pacaktuar, sipas legjislacionit në fuqi.

Detyrat dhe përgjegjësitë

Zyrtari i Auditimit të Brendshëm ka këto detyra dhe përgjegjësi:

1. Përpilon planin vjetor të auditimit dhe ia dorëzon drejtorit të departamentit për aprovim;
2. Përcjell të gjitha ligjet, rregulloret, udhëzimet dhe dispozitat tjera që kanë të bëjnë me auditimin e brendshëm;
3. Mbledh informata të nevojshme për njësinë ku do të bëhet auditimi;
4. Ndihmon në përgatitjen e shkresës për takimin fillestar;
5. Ndihmon në përgatitjen dhe përpilimin e programit të auditimit;
6. Merret me përcaktimin e analizës së auditimit;
7. Përcakton listën e kontrollit, shkallën e testimit dhe metodën e auditimit;
8. Përpilon shënimet për çdo gjetje;
9. Kryen punët në përgatitjen e draftraportit;
10. Mban takimin përmbyllës dhe përpilon raportin final;
11. Kryen funksione administrative në departament;
12. Pas kompletimit të raportit të auditimit, kompleton dosjen e auditimit dhe e arkivon;
13. Zbaton aktet ligjore dhe nënligjore që kanë të bëjnë me të drejtat dhe obligimet e zyrtarëve publikë;
14. Kryen edhe punë të tjera sipas nevojave dhe kërkesës së drejtorit të departamentit;
15. Për punën e vet i përgjigjet drejtorit të departamentit.

Kualifikimet dhe shkathtësitë e kërkuara

Kandidati/ja duhet t’i plotësojë këto kushte:

1. Diplomë universitare -Fakulteti Ekonomik, specializimi Financa dhe/apo Kontabilitet, Fakulteti Juridik, Administratë Publike;
2. Të ketë të paktën tre (3) vjet përvojë pune profesionale;
3. Certifikata/licenca profesionale të auditimit, të lëshuar nga organi kompetent;
4. Shkathtësi hulumtuese, analitike, vlerësuese dhe aftësi për formulimin e rekomandimeve dhe këshillave profesionale;
5. Shkathtësi kompjuterike në aplikacione të programeve (Word, Excel, PowerPoint dhe Access);
6. Njohja e gjuhës angleze është përparësi.

Kriteret e përgjithshme për pranimin në detyrë

Kandidati/ja duhet:

1. Të jetë shtetas/e i/e Republikës së Kosovës;
2. Të ketë zotësi të plotë veprimi;
3. Të zotërojë të paktën njërën nga gjuhët zyrtare, në pajtim me Ligjin për Gjuhët;
4. Të jetë i/e aftë për të kryer detyrën përkatëse;
5. Të mos jetë i/e dënuar për kryerjen e veprës penale me dashje;
6. Të mos ketë në fuqi masë disiplinore për shkelje të rëndë në institucion publik;
7. Të ketë arsimin, përvojën profesionale dhe aftësitë e kërkuara për pozitën;
8. Të kalojë me sukses procedurën e pranimit.

Dokumentet e nevojshme për aplikim

Kandidatët duhet të dorëzojnë:

1. Formularin e aplikimit;
2. CV-në e kandidatit/es;
3. Kopjen e dokumentit të identifikimit;
4. Ekstraktin e lindjes, original;
5. Kopjen e diplomës së kërkuar me konkurs, të vërtetuar nga noteri;
6. Nostrifikimin e diplomës, nëse diploma është fituar jashtë vendit, të vërtetuar nga noteri;
7. Dëshmi për përvojën e punës profesionale;
8. Certifikatën/licencën profesionale të auditimit, të lëshuar nga organi kompetent;
9. Vërtetim nga gjykata kompetente se nuk është dënuar për vepër penale, në origjinal;
10. Dëshmi të tjera relevante që provojnë plotësimin e kushteve të konkursit.

Procedura e përzgjedhjes

Procedura e përzgjedhjes zhvillohet në këto faza:

1. Verifikimi paraprak i aplikacioneve;
2. Testimi me shkrim;
3. Intervista me gojë.

Kandidati/ja fituese konsiderohet kandidati/ja që arrin më së shumti pikë dhe kalon pragun minimal të përcaktuar me legjislacionin në fuqi.

Afati i aplikimit

Afati për aplikim është tridhjetë (30) ditë nga dita e publikimit të konkursit.

Nga data: 15.05.2026
Deri më: 15.06.2026, ora 16:00