Konkurs

Universiteti i Prishtinës ka hapur konkurs për plotësimin e një vendi të lirë pune për pozitën Drejtor/e i/e Departamentit për Çështje Ligjore.

Të dhënat për pozitën

• Institucioni: Universiteti i Prishtinës
• Njësia organizative: Departamenti për Çështje Ligjore
• Pozita: Drejtor/e i/e Departamentit për Çështje Ligjore
• Kategoria funksionale: Drejtues/e i/e Mesëm
• Klasa: I8
• Numri i pozitave: Një (1)
• Kohëzgjatja: Mandat katër (4) vjeçar, me mundësi vazhdimi sipas legjislacionit në fuqi

Detyrat dhe përgjegjësitë

Drejtori/ja i/e Departamentit për Çështje Ligjore ka këto përgjegjësi kryesore:

1. E drejton, e bashkërendon dhe mban përgjegjësi për funksionimin e Departamentit.
2. Përgatit Programin Legjislativ sekondar në bashkëpunim me departamentet, njësitë akademike, organet e tjera të qeverisjes dhe Rektorin.
3. Kujdeset që aktet nënligjore të propozuara dhe të hartuara nga Universiteti të jenë në përputhje me ligjet e zbatueshme në Kosovë, si edhe me standardet ndërkombëtare dhe të BE-së.
4. Harmonizon aktivitetet e Departamentit me departamentet dhe njësitë e tjera.
5. Mbikëqyr cilësinë e punës dhe rezultatet e Departamentit.
6. Koordinon veprimtaritë legjislative për hartimin e akteve nënligjore me departamentet e tjera dhe njësitë akademike.
7. Planifikon realizimin e detyrave dhe punëve të parapara për Departamentin dhe përgjigjet për mbarëvajtjen e tij.
8. Jep mbështetje juridike për njësitë e tjera brenda Universitetit.
9. Cakton detyra individuale për zyrtarët, u jep udhëzime për kryerjen e punëve të ngarkuara dhe mbikëqyr zbatimin e tyre.
10. Është përgjegjës/e për vlerësimin periodik dhe vjetor të punës së zyrtarëve dhe personelit të Departamentit, përfshirë edhe vlerësimin e performancës së tyre.
11. Identifikon dhe paraqet çështjet problematike që dalin gjatë punës dhe propozon mënyra për zgjidhjen e tyre.
12. Kryen edhe detyra të tjera sipas kërkesës së Sekretarit të përgjithshëm dhe Rektorit.

Kualifikimet dhe shkathtësitë e kërkuara

Kandidati/ja duhet t’i plotësojë këto kushte:

1. Të ketë diplomë universitare master ose ekuivalente me së paku katër (4) vite studime nga fusha e drejtësisë.
2. Të ketë jo më pak se pesë (5) vite përvojë pune profesionale, prej të cilave të paktën tri (3) vite përvojë menaxheriale.
3. Të ketë aftësi për hartimin e dokumenteve ligjore të qarta dhe të strukturuara logjikisht.
4. Të zotërojë njohuri të thella për ligjet që zbatohen në Kosovë, si dhe për të drejtën evropiane dhe ndërkombëtare.
5. Të ketë shkathtësi shumë të mira të komunikimit me shkrim dhe me gojë.
6. Të dëshmojë integritet profesional, etik dhe moral.
7. Të ketë aftësi për menaxhimin dhe motivimin e vartësve, monitorimin dhe vlerësimin e punës së tyre, delegimin e detyrave dhe organizimin e burimeve në dispozicion.
8. Të ketë shkathtësi kompjuterike dhe njohuri të programeve Word, Excel, PowerPoint dhe Access.
9. Njohja e gjuhës angleze përbën përparësi.

Kriteret e përgjithshme për pranimin në detyrë

Kandidati/ja duhet:

1. Të jetë shtetas/e i/e Republikës së Kosovës.
2. Të ketë zotësi të plotë veprimi.
3. Të zotërojë të paktën njërën nga gjuhët zyrtare, në pajtim me Ligjin për Gjuhët.
4. Të jetë i/e aftë për kryerjen e detyrës përkatëse.
5. Të mos jetë i/e dënuar për kryerjen e veprës penale me dashje.
6. Të mos ketë në fuqi masë disiplinore për shkelje të rënda në institucion publik.
7. Të ketë arsimin, përvojën profesionale dhe aftësitë e kërkuara për pozitën.
8. Të kalojë me sukses procedurën e pranimit.

Dokumentet e nevojshme për aplikim

Kandidatët duhet të dorëzojnë:

1. Formularin e aplikimit.
2. CV-në e kandidatit/es.
3. Kopjen e dokumentit të identifikimit.
4. Ekstraktin e lindjes, origjinal.
5. Kopjen e diplomës së kërkuar me konkurs, të vërtetuar nga noteri.
6. Nostrifikimin e diplomës, nëse diploma është fituar jashtë vendit, të vërtetuar nga noteri.
7. Dëshmi për përvojën e punës profesionale dhe menaxheriale.
8. Vërtetim nga gjykata kompetente se nuk është i/e dënuar për vepër penale, në origjinal.
9. Dëshmi të tjera relevante që vërtetojnë përmbushjen e kushteve të konkursit.

Procedura e përzgjedhjes

Procesi i përzgjedhjes zhvillohet në këto faza:

1. Verifikimi paraprak i aplikacioneve.
2. Testimi me shkrim.
3. Intervista me gojë.

Kandidat/e fitues/e konsiderohet ai/ajo që grumbullon numrin më të lartë të pikëve dhe e kalon pragun minimal të përcaktuar me legjislacionin në fuqi.

Afati i aplikimit

Afati për aplikim është tridhjetë (30) ditë nga data e publikimit të konkursit.

• Nga data: 18.06.2026
• Deri më: 17.07.2026, ora 16:00