KOKURS

Për plotësimin e vendit të lirë të punës

Drejtor i Departamentit të Auditimit të Brendshëm – një (1) pozitë

Të dhënat për pozitën

Institucioni: Universiteti i Prishtinës
Njësia organizative: Departamenti i Auditimit të Brendshëm
Pozita: Drejtor i Departamentit të Auditimit të Brendshëm
Kategoria funksionale: Drejtues/e i/e Mesëm
Klasa: W9
Numri i pozitave: Një (1)
Kohëzgjatja: Mandat katër (4) vjeçar, me mundësi vazhdimi sipas legjislacionit në fuqi.

Detyrat dhe përgjegjësitë

Drejtori i Departamentit të Auditimit të Brendshëm ka këto detyra dhe përgjegjësi:

1. Administron dhe menaxhon përgjithësisht njësinë e Auditimit të Brendshëm të Universitetit;
2. Harton Planin Strategjik të Auditimit të Brendshëm;
3. Harton Planin Operativ të Auditimit të Brendshëm;
4. Kryen auditimin dhe kontrollin si udhëheqës i grupit të auditimit të brendshëm;
5. Analizon informatat e mbledhura dhe të kontrolluara mbi kontabilitetin, menaxhimin dhe kryerjen e detyrave;
6. Mbikëqyr funksionet e Auditimit të Brendshëm;
7. Përgatit draft raportet dhe i dërgon në departamentin, njësinë akademike apo njësinë tjetër organizative ku është kryer auditimi, për dhënien e komenteve lidhur me rekomandimet;
8. Përgatit raportin final dhe e dorëzon te menaxhmenti i lartë i universitetit;
9. Përpilon raporte mbi përcjelljen e respektimit dhe zbatimit të rekomandimeve të bëra nga departamenti;
10. Kontribuon në funksion të mbikëqyrjes dhe monitorimit sipas kërkesës së menaxhmentit;
11. Kryen funksione administrative në departament;
12. Përgatit dhe dorëzon raportin e gjashtëmujorit të parë dhe të dytë, si dhe raportin vjetor te udhëheqësi i universitetit, Komiteti i Auditimit dhe Njësia Qendrore Harmonizuese në kuadër të Ministrisë së Financave;
13. Zbaton aktet ligjore dhe nënligjore që kanë të bëjnë me të drejtat dhe obligimet e zyrtarëve publikë;
14. Kryen edhe punë të tjera sipas nevojave dhe kërkesës së rektorit dhe sekretarit të përgjithshëm;
15. Për punën e vet i përgjigjet rektorit dhe sekretarit të përgjithshëm.

Kualifikimet dhe shkathëtësitë e kërkuara

Kandidati/ja duhet t’i plotësojë këto kushte:

1. Diplomë universitare - Fakulteti Ekonomik, specializimi Financa dhe/apo Kontabilitet, Fakulteti Juridik, Administratë Publike, me të paktën 240 ECTS kredi apo ekuivalente me to, ose studime të përfunduara të nivelit master në fushën e njëjtë me studimet baçelor;
2. Të ketë të paktën pesë (5) vjet përvojë pune profesionale, prej të cilave tre (3) vjet përvojë pune menaxheriale;
3. Certifikata/licenca profesionale të auditimit, e lëshuar nga organi kompetent;
4. Shkathësi hulumtuese, analitike, vlerësuese dhe formulim të rekomandimeve dhe këshillave profesionale;
5. Shkathësi kompjuterike në aplikacione të programeve (Word, Excel, PowerPoint dhe Access);
6. Njohja e gjuhës angleze është përparësi.

Kriteret e përgjithshme për pranimin në detyrë

Kandidati/ja duhet:

1. Të jetë shtetas/e i/e Republikës së Kosovës;
2. Të ketë zotësi të plotë veprimi;
3. Të zotërojë të paktën njërën nga gjuhët zyrtare, në pajtim me Ligjin për Gjuhët;
4. Të jetë i/e aftë për të kryer detyrën përkatëse;
5. Të mos jetë i/e dënuar për kryerjen e veprës penale me dashje;
6. Të mos ketë në fuqi masë disiplinore për shkelje të rëndë në institucion publik;
7. Të ketë arsimin, përvojën profesionale dhe aftësitë e kërkuara për pozitën;
8. Të kalojë me sukses procedurën e pranimit.

Dokumentet e nevojshme për aplikim

Kandidatët duhet të dorëzojnë:

1. Formularin e aplikimit;
2. CV-në e kandidatit/es;
3. Kopjen e dokumentit të identifikimit;
4. Ekstraktin e lindjes, original;
5. Kopjen e diplomës së kërkuar me konkurs, të vërtetuar nga noteri;
6. Nostrifikimin e diplomës, nëse diploma është fituar jashtë vendit, të vërtetuar nga noteri;
7. Dëshmi për përvojën e punës profesionale dhe menaxheriale;
8. Certifikatën/licencën profesionale të auditimit, të lëshuar nga organi kompetent;
9. Vërtetim nga gjykata kompetente se nuk është dënuar për vepër penale, në origjinal;
10. Dëshmi të tjera relevante që provojnë plotësimin e kushteve të konkursit.

Mënyra e aplikimit

Konkursi publikohet në uebfaqen zyrtare të Universitetit të Prishtinës, në SIMBNj, si dhe me mjete të tjera të përshtatshme të informimit.

Dokumentet e kompletuara dorëzohen fizikisht në Zyrën për Arkiv dhe Protokoll, kati përdhesë, nr. 18, nga ora 08:00 deri në 16:00, në objektin e Rektoratit të Universitetit të Prishtinës, Rruga “Xhorxh Bush”, 10000 Prishtinë, Republika e Kosovës.

Aplikacionet e dorëzuara pas afatit të paraparë nuk pranohen, ndërsa aplikacionet e mangëta refuzohen.

Kandidati/ja, përmes aplikimit, deklaron dhe mban përgjegjësi për vërtetësinë e të gjitha dokumenteve të dorëzuara.

Procedura e përzgjedhjes

Procedura e përzgjedhjes zhvillohet në këto faza:

1. Verifikimi paraprak i aplikacioneve;
2. Testimi me shkrim;
3. Intervista me gojë.

Kandidati/ja fitues/e konsiderohet kandidati/ja që arrin më së shumti pikë dhe kalon pragun minimal të përcaktuar me legjislacionin në fuqi.

Afati i aplikimit

Afati për aplikim është tridjetë (30) ditë nga dita e publikimit të konkursit.

Nga data: 15.05.2026
Deri më: 15.06.2026, ora 16:00