Përshkrimi

Bashkohuni me ekipin e Transcom si Specialist Junior i Burimeve Njerëzore në Tiranë. Pozicioni kërkon disponueshmëri për udhëtime pune drejt kompanisë në Durrës 2 herë në javë.

Në këtë rol, Specialisti Junior i Mbështetjes në Burime Njerëzore ndihmon funksionin e HR në administrimin e personelit, hartimin e dokumentacionit kontraktual, proceset e payroll-it dhe menaxhimin e të dhënave. Qëllimi i rolit është të sigurojë saktësi të lartë, pajtueshmëri me legjislacionin në fuqi dhe zbatim të drejtë të procedurave të brendshme të kompanisë.

Detyrat

• Organizimi i kohës dhe i prioriteteve në mënyrë efikase për të respektuar afatet.
• Administrimi dhe mirëmbajtja e dosjeve të punonjësve, si në formë fizike ashtu edhe digjitale, me kujdes për saktësi dhe përditësim të vazhdueshëm.
• Përgatitja e dokumentacionit kontraktual, përfshirë kontrata pune, shtesa kontraktuale dhe dokumente mbështetëse, në përputhje me legjislacionin në fuqi.
• Përditësimi dhe zbatimi i rregulloreve të brendshme dhe i politikave të kompanisë.
• Hedhja, përditësimi dhe administrimi i informacionit në sistemet HR (HRIS), duke ruajtur integritetin dhe cilësinë e lartë të të dhënave.
• Asistimi në procesin e payroll-it përmes mbledhjes, verifikimit dhe sistemimit të të dhënave që lidhen me pagat dhe përfitimet.
• Mbikëqyrja e prezencës, lejeve, mungesave dhe orëve shtesë, me regjistrim të saktë dhe dokumentim të plotë.
• Bashkëpunimi me departamentet TA dhe OPS për të siguruar zhvillimin e duhur të procesit të onboarding dhe ndjekjen e integrimit të punonjësve të rinj.
• Menaxhimi i kërkesave administrative të stafit, si vërtetime, verifikime punësimi dhe dokumente zyrtare.
• Hartimi i raporteve periodike të HR dhe mbështetje në analizat bazë të të dhënave.
• Garantimi i përputhshmërisë me Kodin e Punës dhe me politikat e kompanisë në çdo proces të Burimeve Njerëzore.
• Mbështetje gjatë auditimeve të brendshme dhe të jashtme, duke siguruar dokumentacion të plotë dhe të organizuar.
• Arkivimi dhe sistemimi i dokumentacionit sipas standardeve dhe procedurave të kompanisë.
• Ruajtja e konfidencialitetit të plotë të informacionit që lidhet me punonjësit.

Kualifikimet

• Diplomë Bachelor në Burime Njerëzore, Administrim Biznesi, Juridik ose në fusha të ngjashme.
• 2–3 vite përvojë në HR ose në administratë personeli.
• Njohuri shumë të mira të MS Office, veçanërisht Excel, dhe/ose Google Workspace.
• Njohuri të mira mbi Kodin e Punës dhe praktikat e HR.
• Aftësi shumë të mira organizative dhe përqendrim i lartë ndaj detajeve.
• Aftësi të mira komunikimi dhe bashkëpunimi në ekip.
• Aftësi për të menaxhuar disa përgjegjësi njëkohësisht dhe për të respektuar afatet.
• Njohuri shumë të mira të gjuhës angleze dhe italiane, minimumi niveli B2, si në të shkruar ashtu edhe në të folur.
• Interes për zhvillim profesional në fushën e HR.

Çfarë ofrohet

• Kontratë me afat të pacaktuar.
• Bonus mujor performance.
• Mbulim i shpenzimeve të udhëtimit për Durrës dhe për qytete të tjera ku kompania është e pranishme.
• Mundësi për zhvillim dhe avancim profesional në HR.
• Mjedis pune bashkëpunues dhe mbështetës.