KONKURS PUNE – ARKITEKT/E & MENAXHER/E I/E ZYRËS NË PRIZREN

TenTen Arch po kërkon një Arkitekt/e të kualifikuar, me Master në Arkitekturë, i/e cili/a do të angazhohet në projekte të arkitekturës dhe interierit, ndërsa njëkohësisht do të mbajë edhe përgjegjësinë për drejtimin e zyrës në Prizren.

Pozita: Arkitekt/e & Menaxher/e i/e Zyrës
Lokacioni: Prizren

Përgjegjësitë kryesore:

• Zhvillimi dhe përpunimi i projekteve të arkitekturës dhe interierit.
• Përgatitja e vizatimeve teknike, planeve, detajeve dhe materialeve prezantuese për klientët.
• Udhëheqja e ekipit dhe bashkërendimi i detyrave brenda zyrës.
• Mbajtja e komunikimit me klientë, investitorë, kontraktorë dhe partnerë bashkëpunues.
• Planifikimi i takimeve, shpërndarja e obligimeve dhe monitorimi i afateve të projekteve.
• Verifikimi i cilësisë së projekteve para dorëzimit final.
• Raportimi i vazhdueshëm mbi ecurinë e punës dhe progresin e zyrës.
• Përfaqësimi i kompanisë në mënyrë profesionale gjatë takimeve dhe në kuadër të projekteve.

Kualifikimet e kërkuara:

• Diplomë Master në Arkitekturë.
• Eksperiencë pune në fushën e arkitekturës dhe/ose interierit.
• Njohuri të avancuara në programe si: ArchiCAD, AutoCAD, SketchUp, 3ds Max, Lumion, Corona ose V-Ray.
• Shkathtësi të mira në organizim dhe menaxhim.
• Nivel i lartë përgjegjësie, korrektësi dhe aftësi për punë me afate.
• Aftësi për komunikim profesional me klientët dhe ekipin.
• Kreativitet, iniciativë dhe qasje serioze ndaj angazhimeve të punës.

Çka ofrojmë:

• Mjedis pune profesional dhe bashkëkohor.
• Mundësi për zhvillim dhe avancim brenda kompanisë.
• Përfshirje në projekte serioze të arkitekturës dhe interierit.
• Rol me përgjegjësi të lartë dhe ndikim të drejtpërdrejtë në zhvillimin e zyrës.
• Pagë konkurruese në varësi të përvojës dhe aftësive.

Dokumentet e kërkuara:

• CV.
• Portfolio e punimeve.
• Një përshkrim i shkurtër i përvojës profesionale dhe i aftësive menaxheriale.