Mundësi Praktike

TEB Sh.A bën pjesë në TEB Group, i krijuar si bashkëpunim i përbashkët mes BNP Paribas, një nga institucionet financiare më të fuqishme në botë, dhe Turk Ekonomi Bankasi, një nga bankat më të njohura në Turqi.

TEB kërkon Praktikantë/e në Divizionin e Financave në Zyrën Qendrore.

Përgjegjësitë

• Të ndihmojë Menaxherët e Divizionit gjatë hartimit të raporteve të rregullta financiare.
• Të kontribuojë në përmbledhjen dhe analizimin e të dhënave financiare për përgatitjen e regjistrimeve në llogari dhe dokumentimin e transaksioneve të biznesit.
• Të marrë pjesë në përgatitjen dhe rishikimin e të hyrave, shpenzimeve, faturave dhe dokumenteve të tjera të kontabilitetit.
• Të ndihmojë në identifikimin dhe zgjidhjen e mospërputhjeve në kontabilitet.
• Të asistojë në zhvillimin dhe mirëmbajtjen e databazës financiare si dhe të sistemit manual të dosjeve.
• Të kryejë kontrollin e informatave financiare në pajtim me procedurat e Grupit BNP dhe procedurat lokale.
• Të realizojë edhe detyra të tjera të ngjashme sipas kërkesës së Menaxherëve.

Kualifikimet e kërkuara

• Të jetë së paku në vitin e fundit të studimeve në kontabilitet, administrim biznesi, ekonomi ose fushë ekuivalente.
• Të posedojë njohuri në financa, kontabilitet dhe parimet e kontrollit të kostos, përfshirë SNRF.
• Të njohë rregullat e kontabilitetit dhe kërkesat e autoriteteve shtetërore.
• Të ketë aftësi shumë të mira në MS Office, veçanërisht në Excel dhe Power Point.
• Të ketë aftësi të shkëlqyera në shkrim dhe komunikim verbal në gjuhën angleze.
• Të posedojë aftësi të forta komunikimi dhe bashkëpunimi ndërpersonal.
• Të jetë i/e aftë të punojë nën presion dhe në ekip.

Ofrohet kontratë praktike për periudhë 6 mujore.