Mundësi Punësimi

TEB Sh.A renditet ndër bankat më të vlerësuara në Kosovë dhe është pjesë e një brendi të njohur bankar në Turqi, i mbështetur nga autoriteti ndërkombëtar i BNP Paribas.

TEB është në kërkim të kandidatëve të kualifikuar për pozitën Mbikëqyrës i Shërbimit te Ndihmës për Zgjidhjet IT të Biznesit në Zyrën Qendrore.

Përmbledhje e detyrave të punës:

Kjo pozitë kërkon një Mbikëqyrës me përkushtim dhe përvojë për Shërbimin e Ndihmës për Zgjidhjet IT të Biznesit, i cili do të udhëheqë ekipin përkatës brenda sektorit bankar. Kandidati i përzgjedhur do të drejtojë një ekip që ofron mbështetje të linjës së parë për aplikacionet kryesore të biznesit dhe financave, duke garantuar performancë të lartë, kënaqësi të përdoruesve dhe respektim të standardeve rregullatore bankare. Roli është me rëndësi të veçantë drejtuese dhe kërkon kombinim të njohurive teknike, qasjes strategjike, njohjes së rregulloreve dhe aftësive menaxheriale.

Përgjegjësitë:

• Udhëheqni, mentoroni dhe menaxhoni ekipin e Shërbimit të Ndihmës, duke kultivuar një ambient me performancë të lartë dhe fokus në kënaqësinë e përdoruesve.
• Mbani nën mbikëqyrje operacionet e përditshme të Shërbimit të Ndihmës për të siguruar trajtim dhe zgjidhje efikase të incidenteve dhe kërkesave.
• Vendosni dhe monitoroni KPI dhe SLA për matjen e performancës së ekipit, si dhe përgatitni raporte të rregullta për menaxhmentin.
• Zhvilloni dhe përmirësoni në vazhdimësi proceset, politikat dhe praktikat më të mira të shërbimit.
• Mbikëqyrni dokumentimin dhe ndjekjen e incidenteve përmes sistemeve të tiketave si Jira.
• Shërbeni si pikë ndërlidhëse ndërmjet Shërbimit të Ndihmës dhe njësive të tjera të IT-së dhe biznesit.
• Mirëmbani dhe përditësoni bazën e njohurive për përdoruesit fundorë.
• Menaxhoni oraret dhe burimet për të siguruar mbulim sa më të mirë të shërbimit.
• Merrni pjesë në projekte të IT-së dhe iniciativa biznesore, duke kontribuar në gatishmërinë për mbështetje dhe menaxhimin e ndryshimeve.

Kualifikimet e nevojshme:

• Diplomë Bachelor në Teknologji Informative, Biznes, Financa ose në fusha të ngjashme.
• Përvojë e dëshmuar në Shërbimin e Ndihmës ose në role të IT-së, me të paktën 2–3 vite përvojë në udhëheqje.
• Njohuri të mira për kornizat dhe praktikat më të mira të menaxhimit të shërbimeve IT (ITSM).
• Përvojë me platforma të tiketave, përfshirë Jira.
• Shkathtësi shumë të mira në komunikim, zgjidhje problemesh dhe organizim.
• Aftësi të provuara për menaxhimin dhe zhvillimin e ekipeve me performancë të lartë.
• Certifikimi ITIL konsiderohet përparësi.
• Njohuri të rrjedhshme të gjuhës angleze; gjuhë shtesë përbëjnë avantazh.

Afati i fundit për aplikim është 16.06.2026.