Konkurs publik

Për NPL “Stacioni i Autobusve” Sh.a., Prishtinë është hapur konkurs për plotësimin e pozitës së Kryeshefit Ekzekutiv.

Pozita i raporton Bordit të Drejtorëve të NPL “Stacioni i Autobusve” Sh.a., Prishtinë. Mandati i kësaj pozite është 3 (tri) vite. Kompensimi përcaktohet sipas nenit 22 të Ligjit për Ndërmarrjet Publike nr. 03/L-087, së bashku me ndryshimet dhe plotësimet përkatëse.

1. Të përgjithshme

Për këtë vend pune kërkohet një kandidat/e me integritet, i/e cili/a i plotëson kushtet e kualifikimit dhe kriteret e pavarësisë, ka përvojën e nevojshme profesionale dhe arsimimin e kërkuar, si dhe përmbush edhe kushtet e tjera të parapara nga Ligji për Ndërmarrjet Publike dhe aktet e tjera relevante.

2. Përshkrimi i detyrave dhe përgjegjësive

• Mban rolin kryesor ekzekutiv dhe përfaqëson figurën udhëheqëse të ndërmarrjes.
• Ka përgjegjësi për administrimin e përgjithshëm të ndërmarrjes, duke garantuar qëndrueshmërinë e saj administrative, financiare dhe funksionale në afat të gjatë.
• Planifikon, organizon, drejton dhe mbikëqyr veprimtarinë e ndërmarrjes.
• Përgatit dhe udhëheq zbatimin e planit të biznesit, planit buxhetor dhe planeve të tjera strategjike, afatshkurtra, afatmesme dhe afatgjata, në përputhje me strategjinë e ndërmarrjes.
• Kujdeset për hartimin e plotë dhe në kohë të raporteve periodike, tremujore, vjetore dhe raporteve të tjera të ndërmarrjes, si dhe i paraqet ato para Bordit të Drejtorëve dhe organeve të tjera sipas nevojës.
• Sistemon dhe organizon punonjësit në pajtim me dispozitat pozitive dhe politikat zhvillimore të ndërmarrjes.
• Siguron vendosjen dhe funksionimin e sistemeve të kontrollit të brendshëm, në mënyrë që aktivitetet e ndërmarrjes të zhvillohen ligjërisht dhe në përputhje me standardet etike.
• Shërben si ndërlidhje ndërmjet personelit dhe Bordit të Drejtorëve.
• Organizon, mbikëqyr dhe mban përgjegjësi për të gjitha punët e ndërmarrjes që nuk hyjnë në kompetencën e Komisionit Komunal të Aksionarëve, Bordit të Drejtorëve, Komisionit të Auditimit apo organeve të tjera.
• Kryen edhe detyra të tjera të përcaktuara nga ligjet në fuqi, Statuti, aktet e brendshme të ndërmarrjes dhe aktet e tjera relevante.

3. Kushtet e kualifikimit profesional dhe përshtatshmërisë

Kandidati/ja që synon pozitën e Kryeshefit Ekzekutiv në NPL “Stacioni i Autobusve” Sh.a., Prishtinë duhet t’i përmbushë këto kritere:

• Të ketë diplomë universitare në fusha ekonomike, juridike, teknike ose në fusha të tjera që ndërlidhen me aktivitetin e ndërmarrjes.
• Të ketë së paku pesë (5) vite përvojë pune, përfshirë të paktën përvojë në nivel të lartë menaxherial, në administrim biznesi, financa korporative, financa, menaxhim të thesarit, bankë, konsulencë biznesi ose industri, apo në fusha të tjera të shkencës dhe njohurive që lidhen me veprimtarinë afariste të NP-së.
• Të zotërojë aftësi shumë të mira organizative, menaxhuese dhe komunikuese.
• Të ketë njohuritë e nevojshme të punës me kompjuter, në përputhje me detyrat dhe përgjegjësitë e pozitës.
• Njohja e gjuhës angleze konsiderohet përparësi.
• Dëshmitë për njohuritë dhe arritjet e tjera do të merren në shqyrtim dhe do të vlerësohen sipas relevancës që kanë për pozitën.
• Të jetë person me integritet të lartë dhe të përmbushë të gjitha kushtet e përshtatshmërisë të parapara me nenin 17 të Ligjit për Ndërmarrjet Publike nr. 03/L-087, me ndryshimet dhe plotësimet përkatëse, Ligjin për Parandalimin e konfliktit të interesit në ushtrimin e funksionit publik nr 06/L-011, si dhe normat e tjera pozitive relevante.

4. Dokumentacioni i nevojshëm

Kandidatët për Kryeshef Ekzekutiv duhet të dorëzojnë këto dokumente:

1. Aplikacionin.
2. CV-në.
3. Letër motivimin.
4. Dëshmi për kualifikimin profesional. Diplomat e marra jashtë vendit duhet të jenë të nostrifikuara.
5. Dëshmi për përvojën e punës (pasqyrën e trustit pensional obligative).
6. Certifikatën që vërteton se kandidati nuk është nën hetime nga Gjykata, jo më të vjetër se gjashtë (6) muaj.
7. Deklaratën nën betim.
8. Kopjen e letërnjoftimit.

Konkursi është i hapur për 30 ditë, nga data 23.06.2026 deri më datë 22.07.2026.