Përshkrimi

Rrjeti i supermarketeve dhe hipermarketeve SPAR e ka nisur veprimtarinë në një market në Holandë në vitin 1932 dhe sot shtrihet në më shumë se 13,300 njësi në 48 shtete të botës. Që prej 20 Qershor 2016, SPAR Albania operon edhe në Shqipëri, duke ofruar cilësi, risi dhe një asortiment prej 40.000 produktesh që kanë sjellë një standard të ri në tregun vendas. Me 101 markete dhe 5 hipermarkete, SPAR pozicionohet ndër kompanitë kryesore në këtë sektor.

Pozicioni i hapur është Magazinier/e Sarandë, në Departamentin Operacional, me vendndodhje në Sarandë.

Detyrat

Detyrat bazë dhe qëllimi i pozicionit

Qëllimi i kësaj pozite është të mbikëqyrë pranimin e produkteve dhe të dokumentacionit shoqërues, duke u siguruar që çdo veprim të kryhet sipas procedurave dhe standardeve të kompanisë.

Përgjegjësitë kryesore:

• Verifikon mallrat që merren në dorëzim dhe konfirmon që ato përmbushin kriteret e cilësisë dhe janë në gjendje të përshtatshme për ekspozim në shitje.
• Krahason sasinë e dorëzuar me atë të porositur dhe evidenton çdo mospërputhje.
• Koordinon procesin e kontrollit të furnizimeve.
• Mbikëqyr shpërndarjen dhe dokumentimin e porosive, si dhe regjistron të dhënat përkatëse në librin e porosive.
• Menaxhon kontrollin e hyrjes në ambientin e magazinës.
• Përgatit mallrat dhe i nis ato drejt magazinës qendrore.
• Harton dhe përditëson tabelën e produkteve që gjenden në magazinë.
• Mbikëqyr kthimin e porosive te furnitorët.
• Kontrollon sistemimin e paletave dhe pakove brenda ambienteve të magazinës.
• Kujdeset për pastërtinë e ambientit dhe ndjek temperaturën në magazinë.
• Siguron që puna në departament të zhvillohet në përputhje me rregullat dhe manualet e sigurisë.
• Monitoron ecurinë e procesit të punës gjatë pranimit të mallrave, duke respektuar standardet e HACCP-së.

Kualifikimet

Kërkesat:

• Edukimi: duhet të ketë përfunduar arsimin e mesëm.
• Përvoja e punës: përbën avantazh të ketë eksperiencë në një rol të ngjashëm.

Kualifikime të tjera:

• Duhet të ketë njohuri kompjuterike në paketën Microsoft Office.

Aftësi të tjera:

• Të jetë i/e aftë të punojë në ekip.
• Të ketë aftësi komunikimi me furnitorët.