Përshkrimi

3S sh.p.k. renditet ndër kompanitë kryesore në fushën e energjisë diellore në rajon, me më shumë se 300 MWp kapacitet të instaluar në projekte fotovoltaike të përfunduara me sukses. Shoqëria ka dhënë kontribut në zhvillimin dhe ndërtimin e parqeve fotovoltaike në disa zona të Shqipërisë, përfshirë Fier, Ersekë dhe Ballsh, si edhe në projekte ndërkombëtare në Maqedoninë e Veriut dhe Greqi.

Në kuadër të zgjerimit të veprimtarisë dhe ofrimit të shërbimeve të plota EPC (Engineering, Procurement & Construction) për projekte fotovoltaike, 3S synon të shtojë në ekip një INXHINIER PROKURIMESH (PROCUREMENT ENGINEER).

Qëllimi i Pozicionit

Ky rol ka përgjegjësi për organizimin, bashkërendimin dhe administrimin e proceseve të prokurimit në projektet EPC të kompanisë, me synim sigurimin në afat të materialeve, pajisjeve dhe shërbimeve të nevojshme për realizimin e projekteve fotovoltaike.

Pozicioni përfshin gjithashtu mbështetje në procedurat e tenderimit, analizim të tregut dhe bashkëpunim me furnitorë vendas dhe ndërkombëtarë.

Detyrat

Detyrat Kryesore

• Përcakton dhe administron nevojat për materiale, pajisje dhe shërbime në projektet fotovoltaike të kompanisë.
• Harton dhe u dërgon furnitorëve dhe nënkontraktorëve kërkesat për oferta (RFQ).
• Bashkërendon procesin e grumbullimit dhe vlerësimit të ofertave teknike dhe komerciale.
• Përgatit analiza krahasuese të ofertave dhe jep rekomandime për zgjedhjen e furnitorëve.
• Diskuton dhe dakordëson me furnitorët kushtet teknike, komerciale dhe afatet e furnizimit.
• Ndjek ecurinë e porosive, kontratave dhe dërgesave deri në mbërritjen e materialeve në kantier.
• Verifikon që materialet dhe pajisjet të jenë në përputhje me specifikimet teknike të projektit.
• Zhvillon analiza të tregut dhe ndërton marrëdhënie afatgjata me furnitorë strategjikë vendas dhe ndërkombëtarë.
• Punon ngushtë me ekipet e projektimit, zbatimit dhe menaxhimit të projekteve për planifikimin e nevojave të furnizimit.
• Kontribuon në përgatitjen e dokumentacionit teknik dhe komercial për tendera publikë dhe privatë.
• Përditëson dhe mirëmban databazën e furnitorëve, ofertave dhe kontratave.
• Mbikëqyr performancën e furnitorëve në drejtim të cilësisë, kostos dhe respektimit të afateve të furnizimit.
• Garantin transparencë, gjurmueshmëri dhe zbatim të procedurave të kompanisë gjatë proceseve të prokurimit.
• Harton raporte periodike mbi aktivitetin e prokurimit dhe gjendjen e furnizimeve.

Kualifikimet

Kualifikimet dhe Kërkesat

• Diplomë Master në Inxhinieri Elektrike, Inxhinieri Ndërtimi ose në degë të ngjashme teknike.
• Të paktën 5 vite përvojë profesionale në prokurime, furnizime ose menaxhim kontratash.
• Përvoja në projekte energjetike, infrastrukturore ose fotovoltaike konsiderohet avantazh i rëndësishëm.
• Njohuri të mira mbi proceset e prokurimit, logjistikën dhe menaxhimin e kontratave.
• Aftësi shumë të mira organizimi, analize dhe negocimi.
• Përdorim i avancuar i paketës Microsoft Office, veçanërisht Excel.
• Njohuritë në AutoCAD për leximin dhe interpretimin e vizatimeve teknike përbëjnë avantazh.
• Zotërim shumë i mirë i gjuhës angleze; njohja e gjuhëve të tjera të huaja vlerësohet si avantazh.
• Aftësi për bashkëpunim në ekip dhe për menaxhimin e disa proceseve në të njëjtën kohë.
• Leje Drejtimi Kategoria B.

Ne Ofrojmë

• Mundësi për t’u bërë pjesë e një prej kompanive më të konsoliduara në sektorin fotovoltaik.
• Përfshirje në projekte të mëdha dhe sfiduese brenda dhe jashtë Shqipërisë.
• Ambient profesional pune dhe mundësi për zhvillim afatgjatë në karrierë.